hello work, Japanရဲ့ ရေးဖြေ လူတွေ့အင်တာဗျုး

ယနေ့မနက် စောစော မိုးဖွဲဖွဲမှာ ဖြေရမယ့်ကျောင်းကို သွားပြီး ဖြေလာခဲ့ပါတယ်။
အရင်တခါရေးဖူးတဲ့ပို့စ်ရဲ့အဆက်ပါ။
သူက တိုးချော(Tokyo　Metropolitan　Office)(ခွန်ရေးတဲ့ပို့စ်ထဲကပေါ့)အဲဒီကို
သွားပြီး အရင်နေ့တည်းက မေးခွန်းဟောင်းတွေကော်ပီဆွဲလာပေးတယ်။
မေးခွန်းဟောင်းတွေကြည့်ပြီး စိတ်ညစ်သွားတယ်။ ဂျပန်စာလယ်ဘယ်၁ရဲ့အခက်ဆုံး
လို့ ဆိုရမယ့် ခက်ခက်ခဲခဲခန်းဂျီးတွေကို အလွတ်ရေးခိုင်းတာရယ်။ ဂျပန်ဘာသာနဲ့
သချာင်္ဘာသာရယ် ကို ကြည့်ပြီး နည်းနည်းခေါင်းခဲသွားတယ်။
အဲလိုနဲ့ပြည်တော်ပြန်တုံးက EJUဖြေဖို့ အိမ်မှာသချာင်္ဆရာနဲ့တကိုယ်တည်းအပီပြင်သင်ယူ
သချာင်္တွေကြဲခဲ့ဖူးတော့ စိတ်မပူပေမဲ့ အဲဒါကိုပြန်နွေးဖို့ အိုလယ်ဘယ် သချာင်္စာအုပ်ကြီးကလည်း
မြန်မာပြည်မှာကျန်ခဲ့၊ ဒါ့အပြင် ဂျပန်လိုအခေါ်ဝေါ်တွေပြန်မှတ်နဲ့ရှုပ်ယှက်တွေခက်ရင်း
မနေ့ညကတော့စဉ်းစားလိုက်တယ် ကျဖို့ရာနှုန်းများသည်လို့။ သူကလဲအားပေးရှာပါတယ်။
ဒီနှစ်ကဖြေကြည့်ရုံပဲလို့တွေးတဲ့။ အဟက်ဟက်။ ၃ရက်အလိုမှာစာကြိုးစားတဲ့ကိုယ့်ကို။

စိတ်မလျှော့ပါဘူး။ ကျရင်တောင်အမှတ်များများနဲ့ကျပစေ။ ကိုယ်ကတော့ အဲလိုစိတ်နဲ့
သချာင်္ပုစ္ဆာတွေရှေ့ချ၊ ဘေးကကွန်ပျုတာမှာလဲ သချာင်္သီအိုရီတွေကို MITကစလို့ Wikiမချန်
အပီပြင်လျှောက်ဖတ်ပါတယ်။ အဲလိုနဲ့ည၁နာရီထိုးသွားတယ်။ အိပ်ဖြစ်တော့ ၁နာရီခွဲ။
မနက်၇နာရီနိုးတော့စိတ်ထဲမှာမကျေဘူး inscribed angels of circle ရဲ့ theoryတွေရှာမတွေ့
သေးလို့ ။ ပြင်ဆင်နေရင်းနဲ့အင်တာနက်ထဲမှာအသဲသန်ရှာဖွေတွေ့ရှိပါတယ်။

ရောက်သွားပြီးဖြေရမယ်ဆိုတော့ အားလုံးဂျပန်တွေကြားမှာ ကိုယ်တဦးသာနိုင်ငံခြားသား၊
ပြီးတော့ စာမျက်နှာ၄၀ခန့်ရှိတဲ့စာအုပ်ဘီ5လောက်ရှိတာကို တယောက်တအုပ်ပေးတော့
အိုး ဒုက္ခပဲ မမျှတတဲ့တိုက်ပွဲလို့တွေးပေမဲ့ ကျောင်းကဆရာတွေကလဲ နိုင်ငံခြားသားပါတာကို
ထည့်စဉ်းစားပုံပေါ်ပါတယ်။ ခက်တဲ့ခန်းဂျီးတွေရေးခိုင်းတဲ့မေးခွန်းပုံစံမဟုတ်ပဲ ဂျပန်ဘာသာနဲ့
အလွယ်ဝါကျတွေပုံစံမျိုးနဲ့ IQ Test ကို စစ်တာဖြစ်နေရော။ တော်ပါသေးရဲ့။
စဆိုတာနဲ့ စ။ ရပ်ဆိုတာနဲ့ခဲတံဘေးချရပြီး။ သချာင်္ချိန်ရောက်တော့လည်း ကိုယ်အသဲသန်
ဖတ်ခဲ့တဲ့ သီအိုရီပုစ္ဆာမျိုးမပါပဲ အလွယ် IQ Test ပုံစံ မေးခွန်းငယ်လေးတွေနဲ့။
တော်ပါသေးရဲ့။ ဖြေနိုင်တယ်ဆိုလားဆိုတော့လည်းမဟုတ်ပြန်ဘူး။ ကိုယ့်ဘာသာမဟုတ်တော့
သူတို့လောက်ဘယ်မြန်မြန်ပြီးပါ့မလဲ။ ဒါပေမဲ့မဖြေနိုင်ဘူးဆိုတာထက်တော့သာသွားတာမို့
တော်ပါသေးရဲ့လို့။
နောက်လကုန်လောက်ထွက်မဲ့ကြေငြာချက်ဟာ ဘယ်လိုများပါလိမ့်။

Posted in ဂျပန်မှာ 5 comments