တိုဖူးနွေး (ရှမ်းအစားစာ)

ကျမက ဗမာပြည်ရှိ အစားစာတွေထဲ နှစ်ခြိုက်ခုံမင်စွာစားလေ့ရှိတာက ရှမ်း ရိုးရာအစားစာတွေ
ပါ။ ဒီတခါတော့ ဆန်စီး တိုဖူးနွေး လုပ်စားပါတယ်။ မမချောဆီက နည်းသွားယူပါတယ်။

ကျမဘာသာ နဲနဲကွဲထွက်တဲ့အချက်ကလေးတွေရှိပါတယ်။

မချောလိုကျမကပဲမသုံးပဲ စိန်ဖြိုးတိုဖူးမှုန့်ကိုအလွယ်သုံးပါတယ်။
ရေနွေးကိုမပူတပူလေးအပူပေးပြီး အသားမှုန့်နှင့်ဆားနည်းနည်းထည့်မွှေကာပျော်သွားမှ
တိုဖူးမှုန့်နည်းနည်းချင်းထည့်ရင်းမွှေပါတယ်။ မကြေပဲကျန်တာလေးတွေကို အကြော်ကြော်
တဲ့အခါ ဆယ်တဲ့ စကာပေါက်(ပိတ်ပိတ်လေး)ဇွန်းနဲ့ခပ်ပြီး ချေပါတယ်။

ဆန်စီးက တကာဒါနိုဘာဘာမှမြန်မာဆိုင်မှာဝယ်ပါတယ် ဗီယက်နမ်ကထုတ်တဲ့ ဆန်စီးခြောက်
ပါ။ ရေးထားတဲ့အတိုင်း ၆မိနစ်မှ8မိနစ်ကြားပြုတ်မှ စီးလာပါတယ်။ အောက်ပါပုံပါ။ တထုပ်ကို
၂၅၀ယမ်းပါ။

တိုဖူးနဲ့ဆန်စီးကိုအချိန်ကိုက်ပြီးနောက်ဆုံးမှာ ပြိုင်တူကျက်အောင်ပြုတ်ပါတယ်။
ဆန်စီးကိုရေမစေးပဲ ဒီတိုင်းဆယ်ထည့်ပါတယ်။
ဒါမှစီးစီးလေးရပါတယ်။

မမချောကရေးထားပေမဲ့ အကြမ်း(နဲနဲပြင်ထားတာလည်းရှိတော့)ရေးပါမယ်။

 ၁။ကြက်သွန်ဖြူနှင့်ဆနွင်းထည့်ကာ ဆီသတ်ထားပါတယ်။
၂။ငရုတ်သီးအစိမ်းမှုန့်ကိုဆီပူထဲထည့် အစိမ်းနံ့ပျောက်ရင် ငံပြာရည်လေးထည့်ကာ
   အသားမှုန့်ပါထည့်ပြီး ဆီသတ်ပါတယ်။
၃။နှမ်းမှုန့်ကိုမွှေးအောင် အိုးပူမှာထည့်လှော်ပြီးမှထောင်းထားပါတယ်။
၎။မြေပဲကိုထောင်းပါတယ်။
၅။နံနံပင် ပါးပါးလှီးထားပါတယ်။(အရိုးမထည့်တာကောင်းပါတယ်။ မလိုက်လို့ပါ။)
၆။ကြက်သားထည့်လိုလျှင်နံပါတ်၂အဆင့်မှာကြက်သားအရင်ကြော်ပြီး နံပါတ်၂အတိုင်း
  ဆီသတ်ပါ။

 ပြီးလျှင် နောက်ဆုံးမှာ တိုဖူးမှုန့်ကြို ဆန်စီးပြုတ်ပြီး တရုတ်လိုအခေါ်တော့ ကြာညို့
ဒီမှာတော့ တရုတ်ပြည်မိတ် ခရုဆီအချိုရည်နည်းနည်းထည့်လိုက်ပါတယ်။

စားခါနီးနှစ်သက်သလို ထည့်ပြီးစားနိုင်ပါတယ်။

အားလုံးပဲစားကောင်းပါစေရှင်

Read more »

Posted in မြန်မာအစားစာ No comments

ငါးဆီပြန် အစပ်

ကျမက ငါးဟင်းသိပ်ကြိုက်ပါတယ်။ ဟင်းရွေးစားပြီး၊ နည်းနည်းပဲစားလေ့ရှိတဲ့ ကျမက
ငါးဟင်းချက်လျှင် အသီးရွက်ရေနွေးဖျော၊ ချဉ်ဖတ်စတဲ့တို့စရာတွေနှင့် ငပိရည်ကို ကြက်
သွန်နီ၊ ငရုတ်သီးစိမ်းထောင်းထည့်ကာ၊နယ်ဖတ်အရိုးနွှင်ပြီးစိမ်ပြေနပြေစားလေ့ရှိပါတယ်။
ဒါကြောင့် ကျမကထမင်းသိပ်မစားမမြိန်တဲ့ရက်တွေ သို့ ကျမ ပိန်လာတယ်လို့ထင်ရင်
ကျမအမေက ငါးဟင်းချက်ကျွေးလေ့ရှိပါတယ်။ ဥပမာ ငါးဇင်ရိုင်းကျမသိပ်ကြိုက်တာမို့
တကောင်ချင်း အရိုးခုတ်၊ ရေသေချာဆေးရတဲ့ငါးဇင်ရိုင်းတွေကအစအမေကအပင်ပမ်းခံ
အိုးကပ်ကလေးချက်ချက်ကျွေးလေ့ရှိပါတယ်။
ကျမက ငါးဟင်းကို ငါးထဲအရသာဝင်ပြီး နူးညံ့နေမှကြိုက်ပါတယ်။ ငါးဟင်းဆို ဘယ်သူ
မဆိုချက်တတ်မှာပဲလို့သိပေမဲ့ ရေမြေဒေသချင်းတူတောင် အိမ်ပေါ်လိုက်လို့ချက်နည်း
အရသာကွဲတတ်တာမို့ ရေးဖို့စိတ်ကူးဖြစ်သွားပါတယ်။
ဂျပန်မှာတော့ပင်လယ်ငါးတွေပဲများပြီး၊ မြစ်ချောင်းငါးကနိုင်ငံခြားအစားစာတွေရောင်း
သောဆိုင်မှာ ရေခဲရိုက်ငါးခူ၊ ငါးကြင်း၊ တိလားပိယားတို့ရှိတတ်ပါတယ်။ ကျမကတော့
ရေခဲရိုက်မြစ်ချောင်းငါးတခါဝယ်ချက်စားတာ အနံ့မခံနိုင်လို့ တအိုးလုံးသွန်ပစ်လိုက်ဖူး
တဲ့ အတွေ့ကြုံရှိတော့ခုထိကို ထပ်မ၀ယ်စားဖြစ်ပါဘူး။ တိလားပိယားအစိမ်းကတော့
အုအဲနိုမှာရှိတတ်ပြီး ကျမ၀ယ်စားဖူးပြီး အတော်ကောင်းပါတယ်။ ဆက်ရလျှင် မြန်မာ
စတိုင်ချက်မယ်ဆိုလျှင် ရှိရိုမိ shiromi(白身)လို့ရေးထားတတ်တဲ့ အဖြူရောင်ငါးသား
ကိုချက်စားရတယ်လို့ ခင်မင်တဲ့မိတ်ဆွေအမတဦးကသင်ပေးလို့ သိရပါတယ်။
shiromi(白身)ထဲမှာမှ မိတ်ဆွေအမသင်ပေးတဲ့အတိုင်း たら　တာလ လို့အမည်ရှိတဲ့
ငါးကိုချက်စားပါတယ။်

ဦးဆုံးငါးကို ဆားအနည်းငယ် ရေအနည်းငယ်ထည့်ကာ ဖွဖွဆုပ်နယ်ကာ ရေစင်အောင်
ဆေးပြီးရေစစ်ထားပါတယ်။ရေအေးနဲ့ပါ။ တဦးစာဆိုတော့ကျမ ၂တုံးချက်ပါတယ်။：）
၁။ဆီကို ဇွန်းကြီး၎ဇွန်းထည့်ပါတယ်။ အနှစ်များများစားချင်တာမို့ပါ။
၂။
ကြက်သွန်နီကို အလုံးကြီး(မြန်မာပေါက်စီတ၀က်ခန့်ရှိ)ကို၃လုံးခန့် ကြိတ်စက် သို့
ပါးပါးလှီးပြီး ညက်အောင်ထောင်းထားပါ။ ဂျင်းအနည်းငယ်ကွမ်းသီးစေ့တ၀က်ခန့် နှင့်
ကြက်သွန်ဖြူ ၃မွှာခန့်(ဂျပန်တွင်ကြက်သွန်ဖြူသိပ်မစားလို့ပါ)အတူထည့်ပြီးထောင်းပါ။

၃။
ဆီနည်းနည်းပူလာလျှင် မီးကိုပိတ်ခါ ၁မိနစ်ခန့်စောင့်ပြီး ငရုတ်သီးစိမ်းမှုန့်ဇွန်းကြီး
၎ဇွန်းခန့်ထည့်မွှေပြီး၊ ဆနွင်းအနည်းငယ်(ကျမမရှိလို့မထည့်ပါဘူး)ထည့်မွှေပါ။
ငံပြာရည်ဇွန်းကြီး၂ဇွန်းထည့်ပါတယ်။
(ကြက်သွန်နဲ့ရောဆီသတ်လျှင်တခါတလေ အနံ့မသေတတ်လို့အရင်လုပ်ပါတယ်။)

၎။ယင်းထဲကို ကြက်သွန်နီဖြူဂျင်းထောင်းထည့်ကာရေအနည်းငယ်ထည့်ကာ ကြက်သွန်
နီအနှစ်ကနူးပြီး အကြည်ရောင်ပေါက်သည်ထိ တည်ပါတယ်။
(ငရုတ်သီးအစိမ်းမှုန့်ကိုအရင်ဆီသတ်ထားတဲ့အတွက် ကြက်သွန်ကရေမခန်းလဲနူးလာ
ရင် ရပါပြီ။ ရောသတ်ရင် အနံ့သေအောင် ရေခန်းဆီပြန်တဲ့ထိတည်ရမယ်။ ကြက်သွန်
နှစ်များများစားချင်လို့များများထည့်ထားတော့မကပ်အောင်ဆီလဲအများကြီးထည့်ရမှာ
မို့ပါ။)

၅။ ယင်းအနှစ်ထဲကို ရေအေး ၃၀၀ ml လောက်ထည့်ပြီး ချက်ချင်းငါးထည့်ပါတယ်။
ရေနွေးထဲငါးထည့်ရင်မာသွားတတ်ပါတယ်။ တဖြည်းဖြည်းနွေးလာပြီး ရေခန်းအောင်
မီးအလတ်နဲ့၁၀မိနစ်ခန့်အဖုံးအုပ်တည်ပြီး ဆီပြန်လျှင်စားနိုင်ပါပြီ။

ကြက်သွန်နီမနူးလျှင်အနှစ်ကစားမကောင်းပဲမာတတ်ပါတယ်။

ကျမတော့အနှစ်အများကြီးတခါတည်းချက်ထားပြီး မနက်တခါ၊ညတခါ ငါးဟင်းကိုအနှစ်
များများနှင့်စားတာတောင် အနှစ်ကတ၀က်ခန့်ပိုသေးပါတယ်။ နောက်ရက်ရုံးကပြန်လာ
တော့ အနှစ်ထဲရေနည်းနည်းရောမွှေပြီး ကြက်ဥတလုံးနဲ့ အသင့်ရှိတဲ့ဝက်သားဖက်ထုပ်
၂တုံးထည့်ကာ နောက်တနပ်မြိန်ရည်ရှက်ရည်စားပြီး အပြတ်ရှင်းပလိုက်ပါသေးတယ်။
အားလုံးပဲစားကောင်းပါစေရှင်။

လူတိုင်းသိတာကိုချက်ပြီး ပို့စ်ရေးလို့ ဘော်ချက်လိုက်ပါတယ်နော်။

Read more »

Posted in မြန်မာအစားစာ,ဟင်းအိုး 9 comments

ကြက်ဟင်းခါးသီးသုပ်

ကြက်ဟင်းခါးသီးသုပ်စားဖြစ်ပါတယ်။

တခါစားဆိုတော့တ၀က်ပဲသုပ်တာမို့ 12cmခန့်အရှည်ရှိပါတယ်။
ဦးဆုံးအရှည်လိုက် ၂ခြမ်းခြမ်းပြီး၊ အစေ့နှင့်အတွင်းသားကိုဇွန်းဖြင့်ခြစ်ထုပ်လိုက်ပါတယ်။
ယင်းနောက် အသုပ်ဆိုတော့မခါးရအောင် 0.3cmခန့်အထူဖြင့် ခပ်ပါးပါးလှီးပါတယ်။
ယင်းနောက် ဆားလဘက်ရည်ဇွန်းဝက်ခန့် ဖြူးနယ်ကာ အခါးကြိုက်လျှင်ကြိုက်သလို
အမြန်ဆေးပြီး၊ ခါးမှာကြောက်လျှင် ၁၀မိနစ်ခန့်ထားပါ။ ယင်းနောက်ရေများများထည့်
ခပ်ဖွဖွနယ်ရင်းရေသွန်ရင်း၊၃ခါခန့်ဆေးပါတယ်။ အငံဓါတ်မကျန်အောင်၊ကျမကနဲနဲဖဲ့ပြီး
ကိုက်ကိုက်ကြည့်ပါတယ်။
(၅မိနစ်ခန့်ထားတာ မခါးတခါးမို့ အကောင်းဆုံးပါလို့ ညွှန်းပါရစေ)

ယင်းနောက်ပွက်ပွက်ဆူအောင်ပြုတ်ထားတဲ့ရေနွေးထဲထည့်ကာ၂မိနစ်ခန့်ပြုတ်ပြီး
ဇကာထဲရေစစ်ကာ၊ မကြေရအောင် လက်ဖြင့်ညှစ်တာမျိုးမလုပ်ပဲ ဆီစုပ်စက္ကူ၂ရွက်ခန့်
ထပ်ပြီး ယင်းတွင်ထည့်ကာအသာလေးရေစုပ်အောင် ထုပ်ထားပါတယ်။


သုပ်နည်း
၁။ယင်းနောက် ဇလုံတခုထဲ ယင်းကြက်ဟင်းခါးသီးနှင့်
၂။ပုဇွန်ခြောက်မှုန့် လဘက်ရည်ဇွန်းသေး၂ဇွန်းခန့်
၃။နှမ်းနှင့်မြေပဲထောင်းမှုန့် လဘက်ရည်ဇွန်းသေး၂ဇွန်းခန့်
၎။မြန်မာငံပြာရည်  လဘက်ရည်ဇွန်းသေး၁ဇွန်းခန့်
၅။ဆီလဘက်ရည်ဇွန်းကြီးတဇွန်းခန့်တွင် ကြက်သွန်ဖြူ၃မွှာကိုပါးပါးလှီးဆီသတ်ပြီးအအေးခံ
ထားတာရယ်
၆။အချိုပြင်းပြင်းကြိုက်လျှင်အသားမှုန့်အနည်းငယ်
၇။သံပုရာရည်လဘက်ရည်ဇွန်းသေး၂ဇွန်းခန့်ထည့်ကာ သုပ်လျှင်ရပါပြီ။

ဒါကလဲအိမ်တိုင်းလုပ်စားလေ့ရှိမယ်ထင်ပါတယ်။
ဒါပေမဲ့ စားကောင်းလွန်းတာမို့ နည်းအမျိုးမျိုးလုပ်တတ်တဲ့ကျမကိုယ်တိုင်မမေ့ရအောင်
ရေးတင်ဖြစ်ပါတယ်ရှင်။

ကြက်ဟင်းခါးသီးရွေးနည်း
ဂျပန်ကဆိုဒ်တခုထဲမှာဖတ်ရတာရယ်ပါ။
အခါးကြိုက်လေ အစိမ်းရောင်ရင့်တာကိုရွေးပါ။ အခါးမကြိုက်လေ အရောင်ဖျော့တာကို
ရွေးပါလို့ ဆိုထားပါတယ်။

ကျမကမစိမ်းတစိမ်းလေးရွေးလာတော့အခါးကအတော်ပေါ့သွားလို့အားမရဘူး။ :))

အားလုံးပဲကျန်းမာပျော်ရွှင်ပါစေရှင်

Read more »

Posted in မြန်မာအစားစာ,ဟင်းအိုး 16 comments

တိုဖူးလုပ်နည်း နှင့် တိုဖူးသုပ်

တိုဖူးသုပ်လုပ်စားမယ်ဆိုပြီး ခက်မယ်ထင်လို့အတော်နှင့်မလုပ်စားဖြစ်ပါဘူး။ ခုတလော
ဘလော့ဂ်ရေးဖို့သိပ်ဈန်မ၀င်တာနဲ့ လွယ်တာလေးပဲရေးတင်ဖြစ်ပါတယ်။ လုပ်စားဖူးသူ
တွေ အတော်များများရှိတာမို့ အမှတ်တရအနေဖြင့်သာရေးလိုက်ခြင်းရယ်ပါ။

ဖေ့စ်ဘွတ်ခ်ထဲက မိတ်ဆွေအမတွေက မြန်မာမုန့်တွေ၊ မြန်မာဟင်းတွေ အမျိုးမျိုးလုပ်စား
ပြီး ဓါတ်ပုံတွေတင်ကြတဲ့အပြင် လုပ်နည်းတွေပါ ဝေမျှပေးထားတာမို့ ကျေးဇူးတင်စရာပါ။
ကျမကတော့ မမညိုနဲ့မမကျော့ဆိုသော အမနှစ်ဦးထံမှ သိရပြီး လိုက်လုပ်တာ အလွန်
လွယ်ပြီး၊ စားလို့လည်းကောင်းတာမို့ အမနှစ်ဦးကိုကျေးဇူးတင်ပါတယ်ရှင်။

တိုဖူးပြုလုပ်နည်း

မွှေးတိုဖူးမှုန့်တစ်ဆ၊ ရေသုံးဆဖြင့်ရောမွှေကာ နာရီဝက်ခန့်အနည်ထိုင်အောင်ထားပါ

တယ်။ ယင်းနောက် အပေါ်ယံအရေကြည်ကိုအရင်ကျိုပြီး၊ အနည်းငယ်စေးလာလျှင် ကျန်

ရှိသော အနည်ထိုင်ထားနေသောတိုဖူးရည်ကိုမွှေပြီးထည့်ရင်း ၊နှံ့အောင်မွှေပေးပါတယ်။

အနည်းငယ်ပျစ်လာလျှင် ပလပ်စတစ်ဘူးပျော့ထဲထည့်ကာအအေးခံပါတယ်။

အပျစ်အကျဲပေါ်မူတည်ပြီး အမာအပျော့ကွာတာမို့ သည်နေရာလေးကအရေးအကြီးဆုံး

လို့ထင်ပါတယ်။

ကျမကတော့ ဂျပန်မှာရာသီအေးအေး၊ ရေဘုံဘိုင်ရေကလဲအေးအေးမို့ ဇလုံထဲရေအေး

ထည့်ကာ၊ယင်းတိုဖူးဗူးကိုထည့်ကာအအေးခံလိုက်တော့၁၅မိနစ်ခန့်ဖြင့်ခဲသွားပါတယ်။

တိုဖူးသုပ်ရန် အနှစ်ပြုလုပ်နည်း

ကျမကရှမ်းသုပ်လိုစေးစေးကလေးကိုကြိုက်ပါတယ်။ လုပ်နည်းသိသလားဆိုတော့မသိပါ
ဘူး။ အဲလိုဖြင့်ကောင်းမယ်ထင်တာ ထည့်ပြီးအနှစ်လုပ်တာ အတော်လေးကိုစားကောင်း
တာမို့ဝေမျှလိုက်ပါတယ်။

၁။ဆီအနည်းငယ်ထည့်ကာ ပူလာလျှင်မီးပိတ်ပြီး ကြက်သွန်ဖြူပါးပါးလှီးတာထည့်ကာ၊
မွှေးပြီး အညိုရောင်သန်းစပြုတာနှင့်မီးခေတ္တပိတ်ကာ
၂။မညက်တညက်ထောင်းထားသောမြေပဲနှင့် နှမ်းလှော်ထောင်းမှုန့်ကိုထည့်ပါတယ်။
တမျိုးဇွန်းကြီး၂ဇွန်းခန့်ပါ။ဆီပူလေးဖြင့်နှံ့အောင်မွှေလိုက်ပါတယ်။
၃။ယင်းနောက်ချက်ချင်း၊ ခရမ်းချဉ်သီးပါးပါးလှီးနုတ်နုတ်စင်းထားတာဇွန်းကြီး၃ဇွန်းခန့်
ထည့်ပါတယ်။
မီးပြန်ဖွင့်ပါတယ။်
ခရမ်းချဉ်သီးရေဓါတ်ကုန်ပြီး နူးပျော့သွားလျှင် ငံပြာရည်၊ အသားမှုန့်ထည့်ကာအနံမွှေး
သွားအောင်ဆီအနည်းငယ်ပြန်သည်အထိမွှေလိုက်ရုံပါပဲ။

ယင်းအနှစ်ဖြင့်တိုဖူးနယ်ကာစားတော့အတော်မြိန်ပါတယ်။ သူကတော့ကောင်းတယ်
ကို ၅ခါလောက်ပြောပြီးစားပါတယ်။ ရှောက်ရွက်မရှိတော့အလွယ်ပဲအိမ်မှာစိုက်ထားတဲ့
ပူတီနံကလေးတပွင့်ပန်ပေးလိုက်ပါတယ်။

အားလုံးပဲစားမြိန်ပါစေရှင်

Read more »

Posted in မြန်မာအစားစာ,ဟင်းအိုး 8 comments

ကြက်အရေခွံသုပ်

ဂျပန်မှာတော့ ကြက်အရေခွံချည်းသက်သက်စားကြတာ မရှိသလောက်ကို တွေ့မြင်ရခဲ
ပါတယ်။ ကြက်အရေခွံကင်တမျိုးကလွဲလို့ အခြားစားနည်းတွေ မတွေ့ဖူးပါဘူး။ မြန်မာ
ပြည်မှာရှိစဉ် လုပ်စားလေ့ရှိတဲ့ မြန်မာပုံစံ ကြက်အရေခွံသုပ်ပါ။ အိမ်အများစုသုပ်စား
လေ့ရှိတတ်တာမို့ အများစုသိပြီးသားဖြစ်မယ်လို့ထင်ပါတယ်။

ပြုလုပ်နည်း

၁။ကြက်အရေခွံကို အမွှေးသေချာနှုတ်၊ ဆေးကြောကာ၊ အနေတော်ပိုင်းဖြတ်ပြီး၊ ရေစင်

အောင်စစ်၍ပဲငံပြာရည်အချိုရည်နှင့်သကြားကိုလ္ဘက်ရည်ဇွန်းသေးတဇွန်းစီထည့်နယ်ပါ
တယ်။
၂။ကြက်သွန်နီကိုပါးပါးလှီးကာ ရေဇလုံထဲ ဆားအနည်းငယ်ထည့်ကာစိမ်ထားပါတယ်။
၃။အိုးထဲဆီအနည်းငယ်ထည့်ကာ ယင်းကြက်အရေခွံကိုထည့်ပြီး မီးလတ်နှင့်၅မိနစ်ခန့်

လှိမ့်ကာ အနည်းငယ်ညိုလာသည်အထိ လှိမ့်ပါတယ်။
ပြီးရင် ဆီစစ်ဆယ်ပြီး သုတ်မဲ့ဇလုံထဲ ထည့်ပါတယ်။
၎။ရေစိမ်ထားတဲ့ကြက်သွန်နီကိုရေသွန်၊ ရေတခါထပ်ဆေးပြီး လက်ဖြင့်ဖွဖွဆုပ်ရေညှစ်
ထုတ်ပြီး ကြက်အရေခွံဇလုံထဲထည့်ပါတယ်။
၅။အသားမှုန့်လ္ဘက်ရည်ဇွန်းသေးတဇွန်းခန့်
   ငါးငံပြာရည် လ္ဘက်ရည်ဇွန်းသေးတဇွန်းခန့်
   ပဲမှုန့်အကျက်မှုန့် ထမင်းစားဇွန်းကြီးတဇွန်းခန့် (စီးစီးလေးကြိုက်လို့ပါ)
   သံပုရာသီး အရည်
   ငရုတ်သီးမှုန့်
   ငရုတ်သီးစိမ်းပါးပါးလှီး
   နံနံပင် (သို့) ပူတီနံရွက်ပါးပါးလှီး(ကြိုက်လျှင်ထည့်ပါ)
   ကြက်ကြော်ထားသောဆီကိုသင့်သလိုထည့်ကာ
   အားလုံးကိုရောနယ်ကာစားလို့ရပါပြီ

အားလုံးပဲစားကောင်းပါစေလို့

Read more »

Posted in မြန်မာအစားစာ,ဟင်းအိုး 11 comments

ဆီလီကွန်(အပူပေးပေါင်း)ဗူး နှင့် အာလူးအစပ်ဆီပြန်

ခုတလော ဂျပန်လို シリコンスチーマー （Silicone Steamer）လို့ခေါ်တဲ့ဆီလီကွန်ဖြင့်
ပြုလုပ်ထားသောအပူပေးပေါင်းဗူးလေးတွေ ရေပန်းစားလို့နေပါတယ်။

ဟင်းနွှေးတာမျိုးမဟုတ်ပဲ ယင်းဆီလီကွန်ဗူးထဲ အသား၊ငါး၊အသီးရွက်နှင့် ဟင်းခတ်အမွှေး
ကြိုင်များဖြင့်အရသာစပ်ဟပ်ကာ မိုက်ခရိုဝေ့ဖ်ထဲထည့်ကာ သတ်မှတ်ထားသောမီးအား၊
မိနစ်အတိုင်း ခလုတ်တချက်နှိပ်ကာ ဟင်းချက်နိုင်ပါသည်။

အဲလိုဖြင့်ကျမလည်း စမ်းသပ်ဖို့ တဗူးဝယ်ပြီးသုံးကြည့်ပါတယ်။
ကျမက ဟင်းချက်တာမဟုတ်ပဲ အာလူးဟင်းချက်ရာမှာ အာလူးကိုမီးဖိုပေါ်ကြာကြာမပြုတ်
ချင်တော့ ဆီလီကွန်ဗူးထဲထည့်ကာ ၅၀၀ ၀ဒ်ဖြင့်၇မိနစ်ထားလျှင် အတော်နူးသွားသည်။

ယင်းနောက် ဆီအနည်းငယ်အိုးထဲထည့်ကာ ပူလာလျှင် မီးပိတ်၊ ဆီနည်းနည်းအေးအောင်
စောင့်ကာ ငရုတ်သီးမှုန့်ဇွန်းကြီး၁ဇွန်း၊ထိုင်းငံပြာရည်(ငံသဖြင့်)ဇွန်းသေးတဇွန်းထည့်ပြီး
ရေဓါတ်နည်းနည်းခန်းလျှင် ခရမ်းချဉ်သီးသံဗူးဘူးဝက်ခန့်(200ml)ထည့်ကာ (ငရုတ်သီး
စိမ်းကြိုက်လျှင် အတူရောထည့်ကာ) မွှေပေးပြီး အနည်းငယ်မွှေးလာပြီး ဆီပြန်လာလျှင် အာလူးနှင့် ရေအနည်းငယ်ထည့်ကာမီးအနည်းငယ်ဖြင့်၁၅မိနစ်ခန့်ထားပြီး ဆီပြန်လျှင်
စားလို့ရပါပြီ။ ကျမကငါးနီတူးခြောက်လေးတွေပါထည့်ထားပါတယ်။

နောက်မှ တခြားဟင်းတွေချက်ကြည့်ဦးမယ်စိတ်ကူးပါတယ်။

အားလုံးပဲကျန်းမာပျော်ရွှင်ပါစေရှင်

Read more »

Posted in မြန်မာအစားစာ,ဟင်းအိုး 9 comments

ဝက်နံရိုးဆီပြန် အစပ်

ဝက်နံရိုးကို မြန်မာမူဟန် အစပ် ဆီပြန်ချက်စားပါတယ်။ အစိမ်းချက်လို့လည်းခေါ်ပါတယ်။

ဆီသတ်ချက် = ဟင်းခတ်အမွှေးကြိုင်အစာပလာများကို ဆီအရင်သတ်ကာထည့်ချက်ခြင်း။

အစိမ်းချက်   = ဟင်းခတ်အမွှေးကြိုင်အစာပလာများကို အစိမ်းလိုက်ထည့်ကာ ချက်ခြင်း။

ပါဝင်ပစ္စည်း

ဝက်နံရိုး ၂၀၀ ဂရမ်

ကြက်သွန်နီကြီး ၂လုံး

ကြက်သွန်ဖြူကြီး ၄မွှာခန့်

ဂျင်း ကွမ်းသီး၁လုံးခွဲခန့်

အသားချိုမှုန့်အနည်းငယ် လက်ဘက်ရည်ဇွန်းသေး တ၀က်ခန့်

ဆီ ထမင်းစားဇွန်းကြီး ၂ဇွန်း သို့ ၃ဇွန်းခန့်

ငံပြာရည်အနည်းငယ် ထမင်းစားဇွန်းကြီး ၂ဇွန်းခန့်

ဆားအနည်းငယ်  ငရုတ်ကောင်းစေ့၎စေ့ခန့်စာ

ငရုတ်သီးအစိမ်းမှုန့် ထမင်းစားဇွန်းကြီး ၃ဇွန်းခန့်

シナモン（Cinnamon）အမှုန့်အနည်းငယ်၊ မရှိလျှင် ဆနွင်းမှုန့်အနည်းငယ်

လဘက်ရည်ဇွန်း 1/4 ခန့်

(Cinnamonသည်အရောင်အပြင်အမွှေးနံ့အတွက်အဓိကသုံး၊ ဆနွင်းမှုန့်သည်အရောင်နှင့်

အသားငါးညှီနံ့ပျောက်ခြင်းအတွက်သုံး၊ ဆနွင်းများလျှင် ၀ါသွားတတ်၍ အနည်းငယ်သာ)

ချက်နည်း

၁။ဝက်နံရိုးကိုဆေးကာရေစစ်ပြီး အိုးထဲထည့်သည်။

၂။ကြက်သွန်နီကိုပါးပါးလှီးကာထည့်သည်။

၃။ကြက်သွန်ဖြူနှင့်ဂျင်းကို ထောင်း သို့ ထုချေကာ ထည့်သည်။

၎။အခြားဟင်းခတ်အမွှေးကြိုင်အားလုံးရောထည့်ကာ ဆီအနည်းပါတပါတည်းထည့်ကာ

လက်ဖြင့်သမအောင် အသားကိုဆုပ်ကာနယ်သည်။

၅။ပေါင်းအိုးဖြင့်တည်လျှင် (ပေါင်းအိုးအညွှန်းကိုဖတ်ကြည့်ပါ) အသားထက်ဝက်ခန့် သို့

လက်တလုံးခွဲခန့်ရေထည့်ကာ အဖုံးပိတ် ၁၀မိနစ်မီးပြင်းပြင်းဖြင့်ပေါင်းသည်။

၁၀မိနစ်ခန့်မီးပိတ်ကာ သည်အတိုင်းထားသည်။ ယင်းနောက်ဖွင့်ကာ ရေခန်းသည့်အထိ

ထားပြီး ဆီပြန်လျှင် သုံးဆောင်နိုင်ပါသည်။

(သို့) ရိုးရိုးအိုးဖြင့်ချက်လျှင် အဖုံးပိတ်ကာ ရေခန်းကာနီးအထိတည်ပါမည်။ 

ရေနွေးအိုးကြိုတည်ထားပြီး အသားမနူးသေး၍ ရေထပ်ထည့်မည်ဆိုလျှင် ရေနွေးကိုသာ

ထည့်ပါမည်။

သတိပြုဖွယ်

♪ကြက်သွန်နီထည့်လျှင် အသားပိုနူးညံ့စေခြင်း နှင့် အနှစ်လည်းချိုပါတယ်။

♪အနှစ်များများကြိုက်လေ ကြက်သွန်နီများများထည့်လေကောင်းပါတယ်။

♪မထည့်ခင်အသားနှင့်အစာပလာများကို သမအောင်မွှေပေးခြင်း။

♪ငံပြာရည်အဓိကသုံးပြီး ဆားက အရသာထိစေရန် အနည်းငယ်မျှသာထည့်ပေးခြင်း

♪ရေထပ်ထည့်လျှင် ရေနွေးထည့်ကာချက်ရန်။

♪စာရေးသူသည်ဆီသိပ်မသုံးသဖြင့် အနှစ်ကျေကာရေခန်းလျှင်ချကာသုံးဆောင်နိုင်ပါသည်။

Read more »

Posted in မြန်မာအစားစာ 5 comments