ရည်းစားဟောင်းတယောက်

တခါတလေ မင်းကိုသတိရရင် ပြုံးမိတယ်။ ခပ်သဲ့သဲ့လေး...
ကြည်သာရွှင်လန်းပြီးပေါ့ပါးတဲ့စိတ်နဲ့ပေါ့ ...


အမှန်က လွန်ခဲ့တဲ့၅နှစ်လောက်ကဆို အဲလိုမပြုံးနိုင်ခဲ့တာအမှန်ပေါ့။ မင်းအကြောင်း
တွေးရင် ရင်ထဲမှာ ကျဉ်နေအောင်နာတယ်။ မေ့ချင်ရက် မေ့ရခက်တယ်။ မာလှပြီလို့
လူတွေထင်တဲ့ အသဲက ပျော့လွန်းတာ ကိုယ်ကိုယ်တိုင်ပဲသိရက်၊ခံရခက်တယ်။ 
မကောင်းမှန်းသိရက် တခါတခါ လွမ်းမိတတ်တာကို ကိုယ့်ကိုယ်ကိုစိတ်နာတယ်။


အပြောအရမ်းချိုတယ်။ မျက်နှာကတအားနူးညံ့တယ်။ သိပ်ဂရုစိုက်တာပဲ။ 
လူတိုင်းအကြင်နာဟာ လိုအပ်တယ်။ ဂရုစိုက်ရင်ကျေနပ်တယ်။
နှလုံးသားကြွေကျအရည်ပျော်သွားတဲ့ထဲ ကိုယ်လည်း တယောက်အပါအ၀င်ပေါ့။ ရည်းစားသက်တမ်းတလမပြည့်ခင်ပဲ၊သိုးရေခြုံထားတဲ့ဝံပုလွေလေးအကြောင်းကို တဖြည်း
ဖြည်း နားလည်လာတယ်။ အကြောင်းရင်းကမင်းအီးမေးလ်တွေ ကိုယ်ကြည့်လိုက်မိတာ ကိုး။တလမပြည့်ခင်မှာပဲလမ်းခွဲခဲ့တဲ့မင်းနဲ့ကိုယ့်ရဲ့ဇာတ်လမ်းမင်းကိုဖြူစင်ရိုးသားသူလို့
ဝိုင်းသတ်မှတ်တဲ့မင်းသူငယ်ချင်းတွေမျက်ဝန်းမှာကိုယ်က၁၂ကြိုးကဝေလို၊အချစ်ဇာတ်
ဆရာမကြီးလို၊ အရိပ်တွေထင်ဟပ်နေလေရဲ့။တခါတလေ လောကကြီးက သိပ်ရယ်ဖို့
ကောင်းတာ အတွေ့ကြုံရခဲ့တာပေါ့။ ရှင်းပြဖို့စကားအစရှာမရပဲ၊ပြောပြလို့လည်း 
မဖြစ်တာတွေရှိရက်၊ တစုံတယောက်တွေများစွာကို ထိခိုက်နစ်နာသွားစေမဲ့ ထုချေ
စကားလုံးတွေကို ဒီရင်ထဲမှာပဲ မခံချိမခံသာသော့ခတ်သိမ်းထားခဲ့သူပါ။


ဇာတ်လမ်းပေါင်းမြောက်များစွာထဲ ငွေကြေးပြည့်စုံကြွယ်ဝပုံပေါက်မယ်၊ မနူးမနပ်မိုက်မိုက်
ကလေးတွေနဲ့ အီထားတာ အစုံစုံအဖုံဖုံပေါ့။ ရိုးရိုးသားသား အနာဂတ်ခရီးရှည်အထိ
မျှော်လင့်ပုံဖော်ထားတဲ့နှလုံးသားလေးဖတ်ခနဲကြေအက်သွားတယ်။မင်းမိတ်ဆက်ပေးပြီး
နှုတ်ဖျားက တဖွဖွပြောနေတတ်တဲ့ မင်းမမလိုပါပဲဆိုတဲ့ ချစ်စရာ မမက မင်းရဲ့အချစ်ဆုံး
ဆိုပဲ။ မမကကိုယ်နှင့် အခြားကောင်မလေးတယောက် ဘယ်သူ့ကိုရွေးသင့်သလဲဆိုပြီး
အကြံတော်ပေး ဆိုပဲ။ ကြေအက်တဲ့နှလုံးသားက ရုတ်တရက် အစစအနနကွဲကြေပြီး 
ရင်အနှံ့စူးစိုက်တယ်။ မခံချိမခံသာ၊အချစ်ကြီးလို့အမျက်ကြီးရပြီ။ သို့ငြား စူဠသုဘဒ္ဒါ
တော့ မဖြစ်ချင်ပါလေ။ ၀ဋ်ရှိတယ်ဆိုရင်လည်းကြေစေတော့။ မင်းကိုမေ့နိုင်အောင်
ကြိုးစားနိုင်တဲ့ တနေ့ဟာ ကိုယ့်အတွက် အောင်နိုင်ခြင်းသာဖြစ်မယ်။

အဲသည့်နောက် မင်းနဲ့ဝေးကွာစွာ ပင်လယ်ကြီးခြားသော တနေရာမှာကိုယ်ရှိနေခဲ့တယ်။ 
ဂျီတော့ခ်ထဲ မင်းကို ထည့်လိုက်၊ ပြန်ဖျက်လိုက်လုပ်နေခဲ့တဲ့ ခပ်နှမ်းနှမ်းကောင်မလေးတ
ယောက်ရှိနေခဲ့တယ်။ ကိုယ် မင်းကို မုန်းလို့မရပါဘူး။ ဆက်လက်တွဲသွားဖို့လည်း လက်မခံ
နိုင်တော့ဘူး။ ဒါပေမဲ့ ပြတ်ပြတ်သားသားမဖြတ်တောက်နိုင်တဲ့ သံယောဇဉ်ကြွင်းတွေနှင့်
စီးဆင်းနေဆဲ စေတနာအပိုင်းစလေးတွေကြောင့် မိတ်ဆွေအဖြစ်တော့ခင်မင်ခွင့်ပေးပါ။
ဆိုးတဲ့မင်းကို အားပေးဖို့မဟုတ်ပါဘူး။ မင်းဆိုးရတဲ့အကြောင်းရင်းကိုကိုယ်ကနားလည်နေ
လို့ပါ။ မမေ့နိုင်တာကို သည်လိုအကြောင်းပြပြီး မင်းကို ဂျီတော့ခ်ထဲစကားလာလာပြော
တတ်တဲ့ သို့ စကားလာပြောရင် ပြန်ပြောတတ်တဲ့ ကိုယ့်ကိုယ်ကိုအားမရတတ်တဲ့ ကောင်
မလေးဖြစ်ခဲ့တာပေါ့။


နေ့လည်စာစားဖို့ထမင်းပေါ် ရယ်ဒီမိတ်ငါးပိကြော်မှုန့်ဖြူးလိုက်တဲ့အခါ ပရွတ်ဆိတ်ကလေး
တွေမွနေလို့ အိုး၊စားမရတော့ဘူးလို့အထိတ်တလန့်သတိပေးတဲ့ကိုယ့်ကို ရပါတယ်၊ဘာမှ
မဖြစ်ဘူး လို့ ပြောပြီး စားလိုက်တဲ့မင်းကို ပြန်မြင်ယောင်တိုင်း၊ နယ်မြို့လေးတခုကလာပြီး 
ရန်ကုန်မှာ တကိုယ်ရေ ကွန်ပျူတာကျောင်းတက်နေတဲ့မင်းဘယ်လောက်ရုန်းကန်နေရမယ်
ဆိုတာ တွေးမိတတ်တယ်။ ပရွတ်ဆိတ်တက်နေတဲ့ထမင်းတပန်းကန်ကိုယ့်ကိုစားခိုင်းရင် 
အန်မိမယ်ထင်တယ်။ ဒီလိုစားတတ်တဲ့မင်းဟာဘယ်လိုအသိုင်းဝိုင်းကြားကြီးပြင်းလာခဲ့ရလဲ
ဆိုဆာ အမှတ်မထင် မှန်းဆမိတတ်တယ်။ မင်းဘ၀ရုန်းကန်ရေးမှာလိုအပ်တာတွေများလို့
လိုအပ်တဲ့အစစအရာရာဖြည့်ဆည်းပေးတတ်တဲ့ မမကို မင်းက သိပ်ချစ်တယ်လို့ထင်နေ
တာ၊ အမှန်တော့အချစ်မဟုတ်ဘူး၊ သာယာတာလို့ ပြောရင် ကိုယ်တို့မြို့မှာကိုယ်တို့က
သူဌေးပဲလို့ ဆိုပြီး စိတ်ဆိုးတတ်တဲ့မင်း။ ဘယ်လောက်ဌေးတာလဲ၊ဒါဆိုရန်ကုန်မှာကိုယ်ပိုင်
တိုက်ခန်း၊ကား၊ဟန်းဖုံးတွေဝယ်လေ၊ဘာလို့မ၀ယ်နိုင်သလဲလို့ဆိုရင် နာလိုခံခက် စိတ်သိပ်
ဆိုးတတ်တယ်။ မြစ်ကလေးတစင်းလိုပဲ။ စီးဆင်းရာပေါ်မြေလွှာအနိမ့်မြင့်၊အပျော့မာ၊လမ်း
ပေါ်မူတည်ပြီး ကွေ့ရကောက်ရတဲ့လူ့သဘောသဘာဝကိုနားလည်ပါတယ်။ ကိုယ်မင်းကို
အပြစ်မတင်ပါဘူး။ ဒါပေမဲ့ အမြင်မှန်ရစေချင်ခဲ့တယ်။ ခက်ခဲမှန်းသိသော်ငြားသွားသင့်တဲ့
လမ်းကို တခါတလေအားကုန်ထုတ်လို့ အရှိန်ပြင်းပြင်းနဲ့ မြစ်ရေစီးလိုတိုက်စားပစ်လိုက်စမ်း
စေချင်ခဲ့ရုံပါ။ ဘ၀မှာအဆင်ပြေအောင်မြင်ဖို့ဆိုတာ တခါတလေ ပိုရုန်းကန်တတ်ရပေမဲ့
မှန်ကန်ဖို့လိုတယ်။အခက်ခဲတွေကိုခါးစည်းပြီးသည်းခံနိုင်တဲ့ခွန်အားဟာလည်းနောင်တချိန်
အတွက် အားဖြစ်တယ်။ အခက်ခဲဆုံးအချိန်တွေပြန်တွေးရင် နောင်တချိန်မှာဂုဏ်အယူရဆုံး
အချိန်တွေဖြစ်လာတတ်တယ်ဆိုတာ မင်းကို သိစေချင်ရုံပါ။

ပြောစရာရှိတာကို မင်းကိုခင်လို့ စေတနာနဲ့ပြောတာဆိုတဲ့စကားကိုရှေ့တန်းတင်ပြီး ပိဿ
လေးနဲ့ဘေးပစ်သလိုပြောတတ်တဲ့ ကိုယ်နဲ့ အရမ်းစိတ်ဆိုးတဲ့အချိန် ကိုယ့်ကိုရင့်သီးစွာ
တုံ့ပြန်ပြောဆိုခဲ့တဲ့မင်းအကြား အဲသည့်ကစလို့အဆက်သွယ်ပြတ်တောက်သွားခဲ့ရတယ်။

မင်းနဲ့ကိုယ်စတွေ့ခဲ့သောရက်ကို ပြန်တွက်ကြည့်ရင်တောင် ၅နှစ်ကျော်ခဲ့ပြီပေါ့။
မတွေ့ကြတာတော့တာလည်း ၄နှစ်ကျော်၊ အဆက်သွယ်ပြတ်ခဲ့ကြတာလည်း 
၃နှစ်စွန်းလို့ ဒီကမ္ဘာကြီးရဲ့ ဘယ်ထောင့်နားမှာမင်းရှိနေမလဲ တခါတလေတွေးမိတတ်
တယ်။


ဖေ့စ်ဘွတ်ခ်ထဲ မက်ဆေ့ခ်ျ(စာလေးတစောင်)၀င်လာခဲ့တယ။် သြော် မင်းပဲ....
မတွေ့တာကြာပြီ နေကောင်းလား ခု...နိုင်ငံမှာပဲလား ဖုံးဆက်လိုက်မယ်
မိတ်ဆွေဖွဲ့ရအောင် ဆိုတဲ့စာသားလေးတွေပေါ်ကိုယ်မင်သက်သွားတယ်။ ဖုံးနံပါတ်ပေး
ပြီးနောက် ချက်ချင်းဖုံးဆက်ပေးလာတဲ့မင်းနဲ့နှုတ်ဆက်စကားတွေပြောရင်း၊အခုစကာင်္ပူမှာ
အလုပ်ကိုင်အဆင်ပြေတယ်ဆိုတဲ့မင်းအကြောင်းကြားရတာလူလူချင်းထားတဲ့မေတ္တာနှင့် 
ဝမ်းသာမိပါတယ်။ မင်းကိုမေ့နိုင်သွားခဲ့တဲ့အချိန်မှာ မင်းနှင့်ရုတ်တရက်အဆက်သွယ်ရခဲ့
တယ်။ အောင်နိုင်သူနှလုံးနှင့်စိတ်ကကြည်ရွှင်နေခဲ့တယ်။ စကာင်္ပူမလေးတွေသိပ်ချောတာ
ဒါကြောင့်ရည်းစားထားရင်၊စကာင်္ပူမလေးတွေပဲထားတယ်လို့ခပ်ရွှင်ရွှင်၊ခပ်ရွှတ်ရွှတ်ဆိုတဲ့ 
မင်းကတကယ်တော့ပြောပြချင်ခဲ့တဲ့စကားတွေရှိတယ်လို့ဆိုလာခဲ့တယ်။ အင်းကိုယ့်ကို
ကျေးဇူးတင်ကြောင်း၊ကိုယ်ပြောတာတွေနားလည်လာတယ်၊အဲလိုတွေများဖြစ်မလား။ဒါပေမဲ့
ဖြစ်ချင်မှလည်းဖြစ်မယ်။ မမျှော်လင့်တာလည်းကြားချင်ကြားရနိုင်တာပေါ့။ ကိုယ့်ကိုအရင်
ပြောခွင့်ပြုမှဖြစ်မယ်။

ဘေးနားမှာကိုယ့်ခင်ပွန်းရှိတယ်။ အင်္ဂလိပ်လို တခွန်းနှစ်ခွန်းနှုတ်ဆက်လိုက်ပါဦးလို့မင်းကို
ဆိုတဲ့အခါ အိုကေလို့ဆိုတဲ့ ခပ်မြူးမြူးမင်းအသံကို ကြားရတယ်။ ခင်ပွန်းသည်ကို အဆက်
သွယ်ပြတ်နေပြီး စကာင်္ပူမှာအလုပ်လုပ်နေတဲ့သူငယ်ချင်းဟောင်း၊ နှုတ်ဆက်စကားပြောဖို့
လို့ဆိုတဲ့အခါ ကိုယ့်အကြောင်းဆိုဘာမဆိုရိပ်မိနားလည်နေတတ်တဲ့ ခင်ပွန်းသည်ဟာ 
ကျေနပ်စွာနဲ့ နှုတ်ဆက်စကားပြောပေးတယ်။ သူ့အတွက်တော့ ယောကျာင်္းတယောက်နဲ့ စကားပြောနေတဲ့ ဇနီးသည်ကို ဘေးကကြည့်နေရုံထက် စကားဝင်ပြောခွင့်ရတာမို့
ကျေနပ်နေတဲ့မျက်နှာကိုမြင်ရတယ်။ ခင်ပွန်းသည်လက်ဆီက ဖုံးပြန်ယူလိုက်တဲ့အခါ 
မင်းဟာ ထင်သလောက်သွေးမအေးခဲ့ဘူးဆိုတာ ဟန်ချက်ပျက်နေတဲ့ မင်းစကားလုံး
တွေကြားမှာ မပီဝိုးတ၀ါး ကိုယ်ရိပ်မိခဲ့ရတယ်။

တချိန်ကဖြစ်တတ်တဲ့လောကကြီးဆိုပြီး မင်းကို ရှင်းပြ၊နှစ်သိမ့်ခဲ့တဲ့ကိုယ့်စကားတွေ 
မင်းယုံမယုံတော့ ကိုယ်မသိလိုက်ရပါဘူး။

တစုံတယောက်နှင့်ချစ်ကြိုက်တယ်။အကြောင်းမတိုက်ဆိုင်လို့လမ်းခွဲတယ်။ဘယ်လောက်
ပဲချစ်ခဲ့စေဦး။ တချိန်မှာမေ့သွားတတ်တယ်။အသစ်တဖန်လည်းပြန်လည်စစ်မှန်စွာချစ်ခွင့်
လည်း ရနိုင်တယ်။ကိုယ်ကောင်းရင်ခေါင်းမရွေ့ဘူး။ လက်တွေ့ကျပြီး၊ဖြစ်တတ်တဲ့သဘော 
တွေရှိတဲ့ဒီလောကရဲ့ဖြစ်ရိုးဖြစ်စဉ်တွေထဲမှာ ကိုယ်ကတော့ မျောပါအသားကျနေခဲ့ပြီ။
ဆိုးပါရက်ချစ်တယ်လို့ဆိုပြီး ရူးမိုက်တဲ့ဆယ်ကျော်သက်အရွယ်လည်းမဟုတ်တော့တာ
မင်းကို ပြတ်ပြတ်သားသားသိစေချင်ခဲ့တယ်။


အစစအရာရာနားလည်ပေးပြီး ဂရုစိုက်တတ်တဲ့ခင်ပွန်းသည်ကို သိပ်ချစ်ခင်တွယ်တာသော
အိမ်ထောင်ရှင်မကောင်းတယောက်ဖြစ်နေခဲ့ပြီ။ ထားခဲ့ဖူးတဲ့ရည်းစားတွေဆိုတာ မေ့လွယ်
ပျောက်လွယ်၊ နေ့စဉ်အလုပ်များတဲ့အိမ်ရှင်မ၀တ္တရားတွေကြားမှာ ပြန်တွေးဖို့ အချိန်ဆိုတာ
လည်း မဖန်တီးနိုင်ခဲ့တာကြာပေါ့။

မိတ်ဆွေစစ်တွေပြန်လုပ်ရအောင်ဆိုတဲ့မင်းဆီက အဆက်သွယ်ပြန်ပြတ်သွားခဲ့တာလည်း
အတော်ကြာလှပြီ။ တခါတလေတော့လည်း ဖျတ်ခနဲ သတိရမိတတ်ပါတယ်။ ခုလိုပေါ့...

မှတ်ချက်။ ။ဝထ္တုတိုကဏ္ဍ

အချစ်နှင့်မလွတ်ကင်းသူများ...အားလုံးပဲအဆင်ပြေပျော်ရွှင်ပါစေရှင်

Posted in အတိုအစလေးများ 40 comments