ကြက်သားသုပ်

 

၁။ ကြက်သားကိုပါးပါးလှီး အသားမှုန့်နည်းနည်း၊ ငံပြာရည်အချိုအကျဲရည်နည်းနည်း၊ သကြားနည်းနည်းထည့်ပြီး အသားထဲဝင်အောင်ဆုပ်နယ်ထားပါတယ်။

၂။ ကြက်သွန်နီပါးပါးလှီးပြီးဆားရည်ထဲထည့်ပြီးစိမ်ထားပါတယ်။ (အနံ့ပျောက်အောင်ပါ)

၃။ နံနံပင်ပါးပါးလှီးထားပါတယ်။

၎။ ဒယ်အိုးပြားထဲဆီအနည်းငယ်(လ္ဘက်ရည်ဇွန်းသေး၂ဇွန်းခန့်)ထည့်ပြီးပူလာရင်
ကြက်သားထည့်ပြီး လှိမ့်ပေးပါတယ်။ ၃မိနစ်ခန့်ပါ။ မီးမပျင်းမပျော့နဲ့ပါ။

၅။ပြီးရင်ကြက်သားကိုပန်းကန်ထဲထည့် ကြက်သွန်ကိုရေညှစ်ပြီးထည့်
အသားမှုန့်၊ ငံပြာရည်အချိုရည်ကျဲ၊ နှမ်းဆီအနည်းငယ်၊ သံပုရာသီးအနည်းငယ်ညှစ်ထည့်
ငရုတ်သီးမှုန့်နှင့်နံနံပင် ငရုတ်သီးစိမ်းပါထည့်လိုကထည့်သုပ်ပြီး စားနိုင်ပါပြီ။
ခပ်လွယ်လွယ်နဲ့အရသာရှိပါတယ်။

အားလုံးပဲကျန်းမာပျော်ရွှင်ပါစေ။

မုန်လာဥဖြူ(အခြစ်)သုပ်

ဦးဆုံးမုန်လာဥဖြူကိုအခွံခွာပြီး ခြစ်ပြီး ရေအေးအေးလေး(ရေခဲရေ)ထဲ စိမ်ထားလိုက်ပါတယ်။

ပြီးတော့အသုပ်ထဲထည့်မယ့်အရသာရည်ကိုအရင်စပ်ပါတယ်။
ပဲငံပြာရည်အချို(အကျဲ) (ထမင်းစားဇွန်းကြီး၁ဇွန်း)
နှမ်းဆီ (ထမင်းစားဇွန်းကြီး၁ဇွန်း)
အသားမှုန့်အနည်းငယ်
သကြားအနည်းငယ်(ဇွန်းသေး၁ဇွန်းခန့်)
နှမ်းမညက်တညက်ထောင်း (ဇွန်းသေး၁ဇွန်းခန့်)
သံပုရာသီးအရည်
နံနံပင်အနည်းငယ်
ပုဇွန်ခြောက်မှုန့်အနည်းငယ် (ဂျပန်မှာဆိုရင်တော့ဆင်တူတဲ့ခဆုအိုဘုရှိထည့်ဖြူးလို့ရပါတယ်)
အားလုံးရောပြီးနှံ့အောင်မွှေပါတယ်။

ပြီးတော့မုန်လာဥဖြူလေးတွေကိုရေစစ်ပြီးပန်ကန်းထဲထည့်(လက်နဲ့ဆုပ်ပြီးညှစ်ပစ်ပါတယ်)

ပြီးတော့အပေါ်ကအရသာရည်နှံ့အောင်ဆမ်းပြီး နော်ရိနဲ့နံနံပင်ဖြူးလိုက်ပါတယ်။
ပြီးတော့မွှေပြီးစားရုံပါပဲ။
သိပ်စားလို့ကောင်းပါတယ်။ လွယ်လဲလွယ်တော့သက်သာတာပေါ့။

;)

ဂျပန်တွင်ကျောင်းတက်မည်ဆိုလျှင်

အရှေ့တောင်အာရှထိပ်သီးနိုင်ငံကြီးတစ်ခုဖြစ်တဲ့ဂျပန်မှာ ပညာရေးဝန်ဆောင်မှု(ကျောင်းများ)ဟာ
The gross domestic product (GDP) or gross domestic income (GDI)ုဟုခေါ်သော
နိုင်ငံရဲ့အသားတင်ပြည်တွင်းဝင်ငွေရဲ့ကိုအတော်ကြီးအထောက်ကူပြုဝင်ငွေရရှိစေသည့်လုပ်ငန်း
များပင်ဖြစ်သည်။ တနည်းဆိုလျှင် ကျောင်းသည်စီးပွားရေးလုပ်ငန်းဖြစ်ပေသည်။

ဂျပန်တွင်ကျောင်းတက်ခြင်း၊ ပညာလာရောက်သင်ကြားခြင်းသည် မြန်မာနိုင်ငံတွင်အတော်ခေတ်စား
ပါသည်။ ထို့ကြောင့် ဂျပန်တွင်ကျောင်းလာတက်မည် (သို့) ကျောင်းလာတက်ချင်သည် ဆိုလျှင်
အောက်ပါအချက်လက်များကို ဖတ်ရှုကြည့်သင့်ကြောင်း အကြံပြုပါရစေ။

ဂျပန်နိုင်ငံရဲ့ပညာရေး

ဂျပန်ဘာသာစကားဖွဲ့စည်းမှုဟာ အသံထွက်ပိုင်းဆိုင်ရာစုံလင်မှုမရှိကြောင့် နိုင်ငံရပ်ခြားအသံထွက်ဟာ
ဂျပန်လူမျိုးတွေအတွက် ခက်ခဲလှပါတယ်။ အင်္ဂလိပ်စာဟာ အက္ခရာ a မှ z အထိ၊ မြန်မာစာဟာ အခြေခံ
အက္ခရာ က မှ အ အထိ ဖွဲ့စည်းထားပါတယ်။ ဂျပန်စာဟာ အက္ခရာ အ(あ) မှ အွန်(ん)အထိသော
အက္ခရာဖြင့်ဖွဲ့စည်းထားပြီး ယင်းကို ရေးနည်း၂မျိုးဖြင့်ရေးပါတယ်။
ဟိရဂန (Hiragana) နှင့် ခတခန(Katakana)လို့ခေါ်ပါတယ်။ အသံထွက်မပြောင်းပါဘူး။

ဥပမာ အ ဟု အသံထွက်သော အက္ခရာကို
ဟိရဂန (Hiragana)ဖြင့်ရေးလျှင်  　 あ　(စုတ်ချက်အပျော့ဖြင့်ရေးပြီး)
တဖန် ခတခန(Katakana)ဖြင့် 　　　ア  (စုတ်ချက်အမာဖြင့် ရေးသားခြင်း)ဖြစ်ပါတယ်။
ခတခန (Katakana)ဖြင့်(စုတ်ချက်အမာဖြင့် ရေးသားခြင်း)ဟာ တိုင်းတပါးဘာသာစကားအသံထွက်နှင့်
အခေါ်ဝေါ်တွေကိုခေါ်ဆိုသောစကားလုံးများကို သီးသန့်ရေးသားခြင်းဖြစ်ပါတယ်။


ယင်းကိုကြည့်ခြင်းအားဖြင့် ဂျပန်ဘာသာစကားဟာ နိုင်ငံခြားဘာသာစကားနှင့်ပတ်သက်လျှင်
အားနည်းကြောင်းအထင်ရှားသိနိုင်ပါတယ်။ ဒါကြောင့်ဂျပန်မှာကျောင်းတက်မည်ဆိုလျှင်ဂျပန်ဘာသာဖြင့်
သင်ကြားမှုများတာကြောင့် ဂျပန်စာကို မတတ်မဖြစ် တက်ထားသင့်ကြောင်းပါ။

ဂျပန်ဘာသာစကား

JLPTဟုခေါ်သောဂျပန်ဘာသာအရည်ချင်းစစ်စာမေးပွဲရှိပြီး အဆင့်၅ခုရှိပါတယ်။
မြန်မာပြည်မှာနှစ်စဉ်၁၂လပိုင်းပထမပတ်တနင်္ဂနွေတိုင်းစာမေးပွဲကို Maja မှတဆင့် ကြီးမှူးကျင်းပလေ့
ရှိပြီး၊ ဂျပန်မှာကတော့ ၂၀၀၉ခုနှစ်၇လပိုင်းကစလို့ ၇လပိုင်းပထမပါတ် တနင်္ဂနွေမှာပါ တကြိမ် တိုးမြှင့်
ကျင်းပပေးတာမို့ တနှစ် ၂ကြိမ်ကျင်းပလျှက်ရှိပါတယ်။
အကြံပေးလိုတာကတော့ဂျပန်မှာကျောင်းတဖက်နှင့်အချိန်ပိုင်းအလုပ်လုပ်ပြီး စရိတ်ရှာရတာမို့
ဂျပန်ရောက်မှ ဂျပန်စာလုပ်ဖို့အချိန်မရှိပါဘူး။ စာကျက်တယ်ဆိုတာ ရထားစီးတဲ့အချိန်လို့ ဆိုရအောင်
ကို အချိန်ရှားပြီး ပင်ပမ်းတဲ့ လူနေမှုဘ၀ပါ။ မြန်မာပြည်မှာတည်းက အဆင့်၂ ဖြစ်နိုင်ရင် အဆင့်၁ အောင်ထားမယ်ဆိုရင်တောင်မှ ဂျပန်ရဲ့အသံထွက် ယဉ်ကျေးမှုတွေနဲ့စိမ်းနေသေး နားမယဉ်သေးတာမို့
အသားကျဖို့ အချိန်ယူရပါတယ်။ ဒါပေမဲ့ စာရထားရင် အသားကျဖို့ အလွန်မြန်ပါတယ်။ စာမရထားလျှင်
အသားကျဖို့လည်းကြာမြင့်ပြီး စာကျက်ရတာလည်းတဖက်မို့ တကယ်မလွယ်ပါဘူး။ ဂျပန်ဟာ လမ်းမ
ပေါ်တောင်စာတွေရေးပြီး ဘာမဆိုလမ်းညွှန်စာသားတွေရှိတဲ့နိုင်ငံမို့ စာရရင် နေထိုင်ရေးလွယ်ကူပါလိမ့်
မယ်။


ကျောင်းအမျိုးအစားများ(နိုင်ငံခြားသားအများစုလျှောက်လေ့ရှိသော)


၁။ ဂျပန်ဘာသာစကားသင်တန်းကြောင်းများ (၃လ၊ ၆လ၊ တနှစ်၊ တနှစ်ခွဲ၊ ၂နှစ်ခန့်)
ဒါကတော့မြန်မာကျောင်းသားအများစုလျှောက်ထားလေ့ရှိပါတယ်။
တချို့ကျောင်းတွေက ဘယ်အဆင့်ရှိတဲ့ကျောင်းသားပဲဖြစ်ဖြစ် အစကစသင်တာမျိုးရှိသလို
တချို့ကျောင်းအများစုက အဆင့်တွေခွဲပြီးသင်ပေးပါတယ်။
စာရပြီးသားသူအတွက်အစကစသင်နေရရင် ကျောင်းလခတွေဟာ နှမြောဖို့ကောင်းပါတယ်။
ကျောင်းလျှောက်ပေးမယ့်အေဂျင်စီကိုမေးသင့်တာက
-ကြိုသွင်းပေးတဲ့ကျောင်းလခဟာ ၃လစာလား ၆လစာလား ၁နှစ်စာလား ဆိုတာပါ
-ရမယ့်ဗီဇာသက်တမ်းက ဘယ်လောက်ကြာသလဲ
-ဘယ်နေရာလည်း ဆိုတာကလည်း အရေးကြီးပါတယ်။
-ပြီးတော့နေထိုင်ရေးက အဆောင်ငှားရသလား။ ငှားခကြိုပေးရလျှင် ဘယ်နှစ်လစာလဲ။
 ရေမီးအပြီးစီးလား ဆိုတာပါ။ တိုကျိုမှာတော့ ဖက်စပ်စုနေကြတာ တဦးကိုေ၇မီးအပြီးစီးယမ်း၃သောင်းခွဲ
 ၀န်းကျင်ရှိပါတယ်။ နေရာကလဲ အဆင်ပြေပါတယ်။ ကြိုပေးရတဲ့အဆောင်လခက ကာလ နည်းလေ
 ကောင်းလေပါ။ တချို့ကျောင်းသားတွေကျောင်းရောက်မှ ကျောင်းအဆောင်က မြို့စွန်မှာရှိတာမို့
 အလုပ်နဲ့အတော်ဝေးတာမို့အလုပ်ရှာရ ဒုက္ခရောက်ကြပါတယ်။ အိမ်ပြောင်းချင်ရက်ငွေတွေကြိုပေး
 ထားတာမို့  မပြောင်းနိုင်ကြဘူး။ ဒီ့အပြင် ရေမီးခသက်သက်ထပ်ပေးရတာတွေ အဆောင်ထိန်းသိမ်းခ
 ထပ်ပေးရတာတွေနဲ့ဆို တကယ်ကို မတန်ပါဘူး။


၂။ ပညာရပ်ဆိုင်ရာ ကျောင်းများ (အသက်မွေးဝမ်းကျောင်းပညာသင်ကြားမှု) (၂နှစ်မှ၃နှစ်ခန့်)
.   (Professional Training College) လျှောက်ထားမည်ဆိုလျှင်အောက်ပါအချက်မှတခုခုဖြင့်
ကိုက်ညီရပါမည်။ အသက်၁၈နှစ်ပြည့်ပြီးသူဖြစ်ပြီး ဂျပန်ဘာသာအရည်ချင်း ၁ သို့ ၂ အဆင့်
အောင်မြင်ထားရပါမည်။
(a)  ကျောင်းပညာသင်နှစ်၁၂နှစ်ရှိထားသူဖြစ်ရပါမည်။

(b) ကျောင်းပညာသင်နှစ် ၁၀နှစ် သို့ ၁၁နှစ်သာရှိလျှင် ဂျပန်အစိုးရအသိမှတ်ပြု ပညာရေး၊ ယဉ်ကျေးမှု၊
.    အားကစား၊ သိပံနှင့်နည်းပညာဆိုင်ရာ ဘွဲ့ကြိုသင်တန်းတခုခုတက်ရောက်ပြီးသူ။
(c) ယင်းအဆင့်ဖြင့်ညီမျှသည်ဟုအသိမှတ်ပြုခံထားရသည့်ကျောင်းတက်ရောက်ထားသူ။
(d) ဂျပန်ရှိလျှောက်ထားသောကျောင်းမှသတ်မှတ်ထားသည့်သို့စစ်ဆေးသည့်အရည်ချင်းများဖြင့်
.    ကိုက်ညီကြောင်းအသိမှတ်ပြုခံရသူ။

၃။ ကောလိပ်များ (၂နှစ်မှ၃နှစ်ခန့်)
၎။ တက္ကသိုလ်များ (၄နှစ်မှ ၆နှစ်ခန့်)
ကောလိပ်နှင့်တက္ကသိုလ်များလျှောက်ထားမည်ဆိုလျှင်အောက်ပါအချက်မှတခုခုဖြင့်ကိုက်ညီရပါမည်။
အသက်၁၈နှစ်ပြည့်ပြီးသူဖြစ်ပြီး ဂျပန်ဘာသာအရည်ချင်း ၁ သို့ ၂ အဆင့်အောင်မြင်ထားရပါမည်။

(a)  ကျောင်းပညာသင်နှစ်၁၂နှစ်ရှိထားသူဖြစ်ရပါမည်။
(b) ကျောင်းပညာသင်နှစ် ၁၀နှစ် သို့ ၁၁နှစ်သာရှိလျှင် ဂျပန်အစိုးရအသိမှတ်ပြု တက္ကသိုလ်၊ ကောလိပ်
.    အကြိုသင်တန်းကို တက်ရောက်အောင်မြင်ပြီးသူဖြစ်ရပါမည်။
(c) ဂျပန်မှာကျင့်သုံးသော Certificate for Students Achieving the Proficiency Level of Upper  
.     Secondary School Gratuates အရည်ချင်းဖြင့်ညီမျှသည်ကို မိမိမူရင်းနိုင်ငံတွင်အောင်မြင်ပြီးသူ။
(d) ဂျပန်ရှိလျှောက်ထားသောကျောင်းမှသတ်မှတ်ထားသည့်သို့စစ်ဆေးသည့်အရည်ချင်းများဖြင့်
.    ကိုက်ညီကြောင်းအသိမှတ်ပြုခံရသူ။

၅။ ဘွဲ့လွန်တက္ကသိုလ်များ
ဘွဲ့လွန်တက္ကသိုလ်များလျှောက်ထားမည်ဆိုလျှင်အောက်ပါအချက်မှတခုခုဖြင့်ကိုက်ညီရပါမည်။
(a) တက္ကသိုလ်၎နှစ်တက်ရောက်ဘွဲ့ရရှိပြီးသူ သို့ ယင်းအရည်ချင်းဖြင့်ညီမျှသူ
(b) ကျောင်းပညာရေး ၁၆ နှစ်တက်ရောက်ထားသူ
(c) ကျောင်းပညာရေး ၁၅နှစ်တက်ရောက်ထားပြီး အမှတ်ရရှိမှုနှင့်ပညာရည်ထူးချွန်သူ
(d) တက္ကသိုလ်အဆင့်ဖြင့်ညီမျှသော ပညာအရည်ချင်းရှိသည်ဟုအသိမှတ်ပြုခံထားရပြီး အသက်
.   ၂၂နှစ်ပြည့်ပြီးသူ။

၆။ သုတေသနဆိုင်ရာ တက္ကသိုလ်များ
ဒါကတော့ကာလတိုဖြစ်ပါတယ်။ ဘွဲ့ရရှိမှာမဟုတ်ပဲ ယင်းသို့သုတေသနပြုလုပ်ခွင့် ကာလတိုအတန်း
တက်ရောက်ရန် ဦးစွာကျောင်းကိုလျှောက်ထားရပါမယ်။ ဗီဇာအမျိုးစားအနေဖြင့် ကောလိပ်အနေဖြင့်
ခွင့်ပြုပြီး တပတ်မှာ ၁၀နာရီခန့်အတန်းတက်ရမယ်လို့ဆိုပါတယ်။

အချိန်ပိုင်းအလုပ်များ
သတ်မှတ်ထားသည်က တရက်၎နာရီနှုန်းပါ။ တကယ်ယင်းနှုန်းထားဖြင့်လုပ်လျှင်မကိုက်ပေ။ ယခင်က
တော့ အချိန်ပိုတွေအများကြီးကျုံးလုပ်လည်းပြသနာမရှိ။ ယခုတော့အလုပ်အများစုက ကျောင်းသားဆို
လျှင် ၄နာရီထက်ပိုပေးမလုပ်သော ဆိုင်တွေတအားများလာသည်။ ထို့ကြောင့်ကျောင်းသားများက ၂ဆိုင်
၃ဆိုင် ခွဲလုပ်ကြပေသည်။ ဆိုင်တွေကဘာကြောင့်ပေးမလုပ်သလဲ ဆိုတော့ ဂျပန်ဧ။်အခွန်ထမ်းစနစ်က
အလွန်ကောင်းပေသည်။ လစာပေးစနစ်က ဘဏ်အတွင်းသို့ လစာထုတ်ရက်တွင်တိုက်ရိုက်သွင်းပေး
ပေသည်။ ယင်းလစာတွင် အခွန်နှုတ်ပြီးဖြစ်သည်။ ထို့ကြောင့်ဆိုင်အနေဖြင့်လည်း ၄နာရီထက်ပိုခန့်
ပါက အခွန်ရုံးက သိသဖြင့် မလုပ်နိုင်ပေ။ အခွန်ရုံးအနေဖြင့်လည်း ဘယ်သူက ဘယ်လောက်ထိ
အလုပ်လုပ်ပြီး ၀င်ငွေဘယ်လောက်ဝင်သည်ကို အလွယ်တကူ သိရှိနေပေသည်။ အလုပ်ချိန်သို့ဝင်ငွေ
အလွန်များနေလျှင် ဆိုင်သို့ အခွန်ရုံးမှအကြောင်းကြားတတ်ပေသည်။ သို့ဆိုလျှင်ဆိုင်ခွဲလုပ်ကာ ၀င်ငွေ
များလျှင်ကော မသိဘူးလားဟုမေးစရာရှိသည်။ သိပါသည်။ သို့ငြားကျောင်းသားဖြစ်ပါက ကျောင်းသို့
အကြောင်းကြားမည်ဟု ထင်ပါသည်။ သို့သော ကျောင်းသားက ကျောင်းတက်မှန်လျှင် ကျောင်းတွေက
နှုတ်ဆိတ်နေတတ်သည်။ ကိုင်းကျွန်းမှီ၊ ကျွန်းကိုင်းမှီနေကြသောကြောင့်ပင်။
ဘယ်လိုအလုပ်တွေလဲဆိုလျှင်စကားပြောနိုင်လျှင်စားပွဲထိုးလိုအလုပ်မျိုး၊ စကားမရလျှင် ပန်းကန်ဆေး၊
မီးဖိုချောင်အကူအချက်ပြုတ် ဆိုတာက ၉၀ရာခိုင်နှုန်းဖြစ်သည်။ စားပွဲထိုးလုပ်ရလျှင် သက်သာသည်ဟု
လျှော့တွက်ပါကမှားပေမည်။ ၀န်ထမ်းတိုင်းသည် ဆိုင်သန့်ရှင်းရေး၊ အိမ်သာသန့်ရှင်းရေး၊အမှိုက်ပစ်ခြင်း
စသည့် ဆိုင်ဧ။်အထွေထွေအောက်ခြေသိမ်းလုပ်ငန်းအစုံကို သူ့တာဝန်ဖြင့်သူ အလှည့်ကျလုပ်ရသည်။
အရက်နှင့်စားသောက်ဆိုင်(ဂျပန်အခေါ်Izakaya)နှင့်ခေါက်ဆွဲဆိုင်စသည့်အစားစာဆိုင်တွေမှာလုပ်လျှင်
ထမင်းတနပ်ကျွေးသည်။ အလုပ်ကအချိန်ပိုင်းအလုပ်ဖြစ်တာမို့တနာရီလုပ်ခဘယ်လောက်ဆိုတာအပြင်
လမ်းစရိတ်(ရထားခအသွားပြန်)ပေးတာထုံးစံဖြစ်သည်။ မပေးသောဆိုင်များလည်းရှိပါသည်။ ဟိုတယ်
တွင် Maidဟုခေါ်သောအခန်းရှင်းလင်းရေးလည်းလုပ်ကြသူများသည်။ Business နှင့် Love ဟိုတယ်ဟူ
သော ၂မျိုးရှိပြီး Loveဟိုတယ်များကညစ်ပတ်တာမို့ လုပ်သူသိပ်မရှိပါ။ ကွန်ဗီနီ ဟုခေါ်သော၂၄နာရီ
စတိုးတွေမှာလည်းကျောင်းသားအများစုလုပ်ကြသည်။ သက်သာကာသန့်လည်းသန့်ပါသည်။ သို့ငြား
ထမင်းမကျွေးပေ။

ကျောင်းပြီးသည့်နောက်အလုပ်အခြေနေ
ဂျပန်ဘာသာကျောင်းတက်သူများအတွက်ကတော့ကျောင်းပြီးလျှင် အလုပ်မရနိုင်ပါ။ အများစုလုပ်နေ
ကြသည်မှာ တဆင့်ပိုမြင့်သော အသက်မွေးဝမ်းကြောင်းပညာသင်ကျောင်း သို့ ကောလိပ် သို့
တက္ကသိုလ်များသို့ ကျောင်းဝင်ခြင်းဖြစ်သည်။ ယင်းသို့ဖြင့် ဗီဇာသက်တမ်းကိုဆွဲချဲ့ကြပေသည်။
ကျောင်းလျှောက်ခြင်းကပူစရာမလိုပေ။ ဂျပန်ဘာသာကျောင်းမှအားလုံးစီစဉ်ဆောင်ရွက်လျှောက်ထား
ပေးသောကြောင့်ဖြစ်ပေသည်။

အသက်မွေးဝမ်းကြောင်းပညာသင်ကျောင်း သို့ ကောလိပ် သို့တက္ကသိုလ်များတွင် ဘွဲ့ရပါက
ဂျပန်စာနှင့်အတတ်ပညာကိုအမှန်တကယ်တတ်မြောက်သူဖြစ်လျှင်အလုပ်လျှောက်ပြီး အလုပ်ဗီဇာဖြင့်
ဆက်နေနိုင်ပေသည်။ အင်္ဂလိပ်စာပါကျွမ်းကျင်လျှင် အလုပ်ရရန်အခွင့်လမ်းပိုပေမည်။


လတ်တလောဂျပန်အခြေအနေ
၂၀၀၉ခုနှစ်မှာ ဂျပန်ဟာ နိုင်ငံခြားသားပညာသင်ကျောင်းသားအတော်များများကို ဗီဇာအလွယ်တကူ
ချပေးခဲ့ပါတယ်။ဒါ့အပြင် မြန်မာကိုအတော်မျက်နှာသာပေးတယ်လို့ဆိုရမှာပါပဲ။မြန်မာပြည်မှာကျင်းပတဲ့
ဂျပန်စကားပြောပြိုင်ပွဲမှာဆုရရှိသူကို ဂျပန်ကို ၁လခွဲကြာ လေ့လာရေးခရီးပို့ဆောင်ပေးပါတယ်။
တိုကျိုအနီးတ၀ိုက်ကိုရောက်လာတဲ့ကျောင်းသားတွေမနည်းပါဘူး။ အလုပ်ရှားနေပါတယ်။
တခြားဒေသတွေကတော့သိပ်မသိပါဘူး။ ပိုဆိုးမယ်လို့တော့ထင်ပါတယ်။ ဒါကြောင့်ကျောင်းလာတက်
မယ်ဆိုလျှင် ဂျပန်ဘာသာစကားမကျွမ်းကျင်ရင် ရောက်လာတဲ့အခါ အလုပ်ရဖို့ခက်ပါလိမ့်မယ်။
ဒီမှာက ၁လဆိုလျှင်ဆိုသလောက် အနည်းဆုံးနေစရိတ် ၃သောင်းခွဲကုန်မှာမို့ အလုပ်မရှိတာ အတော်
ရင်ပူဖွယ်ပါ။

ပုဂ္ဂိုလ်ရေးသတင်း
ကျောင်းလာတက်သူ အသိတဦးရဲ့အဆောင်က ၁လ ၃သောင်းခွဲ၊ အဆောင်ကြီးကြပ်ခ
တလတသောင်း၊ ရေမီးသက်သက်ပေးရပြီး ယခုလ ရေဖိုး ၅သောင်းကျော် နှင့်မီးဖိုး၂သောင်းကျော်ကို
ကျောင်းသား၁၁ယောက်ခွဲဆောင်ရမှာမို့ငြီးညူနေပါတယ်။
မြန်မာပြည်မှာကွန်ပျူတာတက္ကသိုလ်ကဘွဲ့ရပြီးမာစတာတက်ခွင့်ရတဲ့ညီမ၀မ်းကွဲလေးကဂျပန်မှာကျောင်း
လာတက်ဖို့ ဂျီတော့ခ်ကနေတိုင်ပင်ပါတယ်။ မိဘတွေကကြွယ်ဝတာမို့ ခုထွက်ချင်ချက်ချင်းထွက်နိုင်တဲ့
ငွေကြေးရော ပညာပါ ပြည့်စုံတဲ့ခလေးပါ။ သို့ငြား ချက်ချင်းလာဖို့ကိုယ်အားမပေးပါ။ အင်္ဂလိပ်စာနှင့်
ဂျပန်စာကို အနည်းဆုံးအဆင့်၂အောင်အောင်လုပ်ဖို့အကြံပေးလိုက်တာမို့ ခုဆိုရင်ဒီခလေး သင်တန်း
တွေ စအပ်နေပါသတဲ့။
ဟိုးအရင်တည်းက ပညာရေး ဥပမာ ကျောင်းထောင်တာမျိုး ကိုယ်က ရည်မှန်းချက်ရှိခဲ့ဖူးပါသည်။
ဝါသနာကိုအရင်းခံသော ပညာဖြန့်ဝေပေးခြင်းကို အလွန်ပင် စိတ်ဝင်စားခဲ့ပါသည်။
ယခုလို ကျောင်းလျှောက်တဲ့ခလေးတွေ သူငယ်ချင်းတွေထံမှ အမျိုးမျိုး စိတ်မသက်သာဖွယ် သတင်းတွေ
ကြားတိုင်းလည်း စိတ်မကောင်းဖြစ်ရသည်။
ဘ၀အနာဂတ်အတွက်တကယ်ကောင်းမဲ့လမ်းကြောင်းရွေးချယ်နိုင်ဖို့၊ အနာဂတ်မှာအထောက်ကူဖြစ်တဲ့
ပညာရေးစနစ်နဲ့လက်တွေ့တတ်မြောက်ကျွမ်းကျင်သူဖြစ်လာဖို့ရာ
သတင်းအချက်လက်ပြည့်စုံမှန်ကန်စွာရှင်းလင်းသင်ပြပြီးကောင်းသောလမ်းကြောင်းဆီသို့ပဲ့ကိုင်ကာ
လှေဦးကိုညွှန်ပေးလိုပါသည်။ လုပ်ဆောင်ခအမြတ်မယူပါ ဟု မုသာဝါဒ မဆိုလိုပါ။
လုပ်ဖြစ်လျှင် လုပ်ဆောင်ခတော့ယူပါမည်။ သို့ငြား ဘယ်သူသေသေငတေမာရင်ပြီးရော ၀ါဒမုန်းသူပီပီ
နှစ်ဦးနှစ်ဘက်အကျိုးရှိသောလမ်းအားလျှောက်လိုပါသည်။ ကောင်းမွန်ပြည့်စုံကာ ရင်ထဲမှစေတနာ
ပါသော အလုပ်ကိုလုပ်လိုပါသည်။ တနေ့နေ့တော့လုပ်ဖြစ်မည်ထင်သည်။ လုပ်ချင်တာတွေများတာမို့
ဘယ်တော့ဆိုသည်ကား မသေချာပါတကား။

ဂျပန်နိုင်ငံပညာသင်ကျောင်းသားရေးရာဝန်ဆောင်မှုအဖွဲ့စည်းJassoမှာအသေးစိတ်ဝင်ရောက်ကြည့်ရှု
လေ့လာနိုင်ကြောင်းပါ။
ဒီမှာကတော့ကျောင်းတက်မည်ဆိုလျှင်မိမိသိလိုသောခေါင်းစဉ်ကိုရွေးချယ်ပြီးအသေးစိတ်စုံလင်စွာ
ဖတ်ရှုနိုင်ပါတယ်။

အားလုံးပဲကျန်းမာပျော်ရွှင်ပါစေ

ကျေးဇူးသိပ်တင်ပါတယ်。。。。

ပြုစုပျိုးထောင် မွေးခဲ့ကျွေးခဲ့တဲ့အဖေနဲ့အမေ

ပြီးတော့ငယ်ငယ်ကတကျက်ကျက်နဲ့
အပျိုဖော်ဝင်လာတော့သိပ်ချစ်တတ်၊ရိုင်းပင်စည်းလုံးလာတဲ့တို့ညီအမတွေ
ပြီးတော့အလွန်အင်အားတောင့်တင်းတဲ့ဝမ်းကွဲညီအကိုမောင်နှမတွေ

ပြီးတော့ကိုယ့်အပေါ်ချစ်ခင်ယုံကြည် ဆုံးမသွန်သင် ကူညီပေးလေ့ရှိတဲ့ အဒေါ်တွေဦးလေးတွေ

အမြဲတမ်းအပြန်လှန်အားပေးနှစ်သိမ့်သွန်သင်ပေးခဲ့တဲ့သူငယ်ချင်း၊ မိတ်ဆွေ၊ ဆရာသမားတွေ

ပြီးတော့ ဘ၀ရဲ့မမျှော်လင့်တဲ့ ဆုံးရှုံးနစ်နာ၊ မအောင်မြင်မှုတွေ
အဲဒါတွေမရှိရင်ဘ၀ကြီးက ရိုးရှင်းနေမှာ
နာကျင်ခဲ့ရတာတွေရှိလို့၊ ဆုံးရှုံးတာကိုခံစားကြေကွဲခဲ့ရတာတွေရှိလို့
မတရားတာတွေ ကြုံဖူး၊ ခါးသီးဖူးလို့ ကိုယ်ကတခြားသူတွေအပေါ်မှာထားတဲ့စိတ်အပေါ်
ကိုယ်ချင်းစာတရားကိုမွေးဖွားစေလို့ပါ
ဒါကြောင့်မကောင်းမှုမလုပ်မိဖို့၊ ကောင်းတာလုပ်ဖို့ အသိတရားမွေးဖွားစေလို့ပါ

ပြီးတော့ကိုယ့်အပေါ်ဒုက္ခပေးခဲ့ဖူးတဲ့သူတွေ
အဲလိုလူတွေရှိလို့ကံကံရဲ့အကျိုးဆက်တွေ၊ ၀ဋ်ဆိုတာရဲ့သဘောတွေကို ပိုတွေးမိ အသိဝင်မိလို့ပါ

ပြီးတော့ဒီဘ၀မှာ အပါယ်ဘုံမဟုတ်သော လူ ဖြစ်ခွင့်ရတာနဲ့
ခြေလက်အင်္ဂါစုံလင်စွာနှင့် ဆင်ခြင်တွေးတောမှတ်သားနိုင်စွမ်းရှိတဲ့ဦးနှောက်တစ်ခုရှိတာရယ်

ပြီးတော့အစစအရာရာနားလည်မှုအပြည့်နဲ့ ဆိုးတာတွေရှိလည်းခွင့်လွှတ်ပေးပြီး အမြဲသွန်သင်လမ်းညွှန်ပေးတဲ့လက်တွဲဖော် သူရှိတာရယ်

。。。。。。

ごちそうさま～～～

 

 

出汁（だし） (အချိုမှုန့်အစားသုံး)

ဂျပန်ဟင်းလျာကုန်ကြမ်း　（၂）

出汁（だし）
အချိုအရသာ 


ဒရှိ ဆိုတာ ဂျပန်ဟင်းလျာချက်ရာမှာ အဓိကအခြေခံကျသော ကုန်ကြမ်းဖြစ်ပါတယ်။ ဒရှိကိုကောင်းစွာမပြုလုပ်နိုင်သူဟာ ဂျပန်အစားစာကိုကောင်းစွာမချက်ပြုတ်နိုင်ဘူးလို့တောင်ဆိုကြပါတယ်။
အချိုအရသာရှိပါတယ်။ အရည်၊ အမှုန့်၊ အခဲ ပုံသဏ္ဍာန်အမျိုးမျိုးရှိပါတယ်။

အသားနှင့်အသီးရွက်၊မှိုနှင့်ပင်လယ်ရေညှိရွက်ကဲ့သို့သောအချိုအရသာ
ပါဝင်ပါတယ်။ ဒါကြောင့်အာဟာရဓါတ်လည်းပြည့်ဝတယ်လို့ဆိုပါတယ်။
ဂျပန်မှာအသင့်လုပ်ပြီးသားဒရှိ(အချိုရည်)ပုလင်းတွေအလွယ်တကူဝယ်ယူစားသုံးနိုင်သလို
မိမိဘာသာ နှစ်သက်တဲ့ကုန်ကြမ်းနှင့် အချိုရည်ထုတ်လည်းရပါတယ်။
(ဥပမာ နဘဲဟော့ပေါ့လုပ်စားရင် အရင်ဆုံး ကွန်းဘုလို့ခေါ်တဲ့ ရေညှိရွက်ကိုရေစိမ်ပြီးရင်
၁၀မိနစ်ခန့်ပြုတ်ပြီး အချိုရည်ထုတ်သလိုပါ)

ယနေ့မှစကာ.....

ဟိုးအရင်ကမြန်မာပြည်မှာရှိတုံး ဂျပန်လိုရေးထားတဲ့ပို့စ်အဟောင်းလေးတခု သွားဖတ်မိတယ်

အလုပ်တာဝန်နဲ့ရွှေဂုံတိုင်မှာရှိတဲ့ ဂျပန်ကျောင်းထိုင်ဘုန်းတော်ကြီးတပါးနဲ့သွားတွေ့ခဲ့တုံးကပါ။
အဲလိုနဲ့ဘုန်းဘုန်းပြောခဲ့တဲ့စကားလေးကိုသွားသတိရမိတယ်။

စိတ်နှလုံးဆိုတာ ရေလိုပါပဲ။
ထည့်တဲ့ခွက်(အရာတထ္တု)ဆိုတာ မိမိကဖန်တီးတာပါ။
သေးငယ်တဲ့ရေခွက်ကလေးထဲ ထည့်ထားတဲ့ရေထဲကို မည်းနက်နောက်ကျိတဲ့မင်တစက်ထည့်လိုက်ရင်
ရေတခွက်လုံးမည်းနက်နောက်ကျိသွားမှာပေါ့။
သို့ငြား ပင်လယ်ကြီးလိုကျယ်တဲ့ ရေတွေထဲ မင်တစက်ထည့်ရင် မည်းနက်နောက်ကျိခြင်းမရှိသလိုပါပဲ
မိမိကဘယ်လိုထည့်စရာနဲ့ခံယူမလဲဆိုတာပေါ် မူတည်ပါသတဲ့။

လောကမှာစိတ်တိုင်းမကျတာတွေအများကြီး...အများကြီးပေါ့
သွေးသားရင်းချာတောင် ခဏခဏ စိတ်ချင်းမတိုက်ဆိုင်ကြသေးတာ
လူတွေကို မိမိစိတ်နဲ့အခန့်မသင့်လို့စိတ်ဆိုးရရင် ဆုံးမှာမဟုတ်ပေဘူး

ပြီးတော့တဖက်လူကမကောင်းဘူးဆိုရင်တောင် မည်းနက်တဲ့မင်တစက်လို မိမိအပေါ်ပြုမူလာရင်တောင်
မိမိက ပင်လယ်ကြီးလို ခံယူဖို့ ကြိုးစားရမှာပေါ့လို့တွေးမိတယ်။

လူဆိုတာ မှားလေ့ရှိတတ်တဲ့သတ္တ၀ါတွေပဲ
ကိုယ်လည်းအကြိမ်ကြိမ်မှားခဲ့ဖူးတာတွေရှိတယ်
ခုထိလည်း တခါတလေ မှားနေတတ်တုံးပဲ

ဒါကြောင့် အခြားလူတွေ တခါတလေမှားတတ်တာကိုလည်း ခွင့်လွှတ်နိုင်ဖို့အရေးကြီးတယ်။

လူသားတွေအချင်းချင်း ချစ်ခင်ရိုင်းပင်းကူညီပြီး
ကောင်းကျိုးတွေသယ်ပိုးသွားကြရင် ဒီကမ္ဘာကြီးပိုလှလာမှာပါ။

တွေးမိတယ်။ ကိုယ်ဟာလည်း လိုသေးတယ် အများကြီးလို့။
ကြိုးစားရဦးမယ်။ စိတ်အတွင်းထဲထိ လှပသန့်ရှင်းအေးချမ်းဖို့....

：）

ဂျပန်ဟင်းလျာကုန်ကြမ်းများ ၁

ဂျပန်ဟင်းလျာကုန်ကြမ်းများ(調味料、食材)

ငံပြာရည် 醤油‐しょうゆ

ငံပြာရည်ကတော့အများသိနေကြ၊သုံးဖူးနေကျပေမဲ့ဂျပန်ငံပြာရည်ကတော့မြန်မာလိုငါးမှထုတ်သော
ငါးငံပြာရည်(သူတို့အခေါ်nanpuraナンプラー)လိုမဟုတ်ပဲ၊ ဒိုင်းဇု大豆 တနည်း soybeanလို့ခေါ်တဲ့
ပဲစေ့ကထုတ်လုပ်တဲ့ငံပြာရည်အမျိုးအစားဖြစ်ပြီး ဂျပန်ဟာငံပြာရည်အလွန်သုံးတဲ့နိုင်ငံလို့ပင် ဆိုလောက်
ပါသည်။
တခုထူးခြားတာက မြန်မာပြည်မှာပဲငံပြာရည် အပျစ်နှင့်အကျဲဆိုတာရှိပြီး၊ အကျဲနှင့် ဂျပန်ငံပြာရည်ဟာ
ဆင်တူပါတယ်။ အပျစ်ကတော့အချိုနှင့်အရောင်အတွက်မြန်မာပြည်မှာသုံးကြတာပါ။
ဂျပန်မှာတော့ ငံပြာရည်ကိုပဲ အလေး(こいくち)နဲ့အပေါ့(うすくち)ဆိုပြီးနှစ်မျိုးရှိပါတယ်။

ဘာကွာသလဲဆိုတော့ အလေးကိုတော့ တို့စားတာတော့ ဟင်းချက်တာတို့စသဖြင့် ဘယ်နေရာမဆို
အသုံးများပြီး အပေါ့ကိုတော့ ဥပမာ အရည်စွက်စွက်လေးအသားအသီးရွက်နဲ့ရောကြော်ပြီးထမင်းပေါ်
ပုံစားတဲ့အခါမျိုးမှာ အပေါ့ရည်ကိုသုံးပါတယ်။

အခြားငံပြာရည်အမျိုးစားများ

たまり（溜り）- 刺身につけたり、照焼きのタレなどに向く
တမရိ ဆိုတာကတော့ အသားစိမ်းနဲ့မကျက်တကျက်ကင်တဲ့အခါတွဲစားတဲ့ဆော့စ်လိုမျိုးသုံးပါတယ်

さいしこみ（再仕込み）- 刺身、寿司などに向く
စိုင်းရှိကိုမိ ဆိုတာကတော့ အသားစိမ်းနဲ့ထမင်းလိပ်စတာတွေစားတဲ့အခါသုံးပါတယ်

しろ（白）- 煮物に向く
အရောင်ဖျော့ဖျော့ကြည်ကြည်၊ငါးငံပြာရည်နဲ့ဆင်တူပြီးဆားဓါတ်လေးကာအချိုဓါတ်ပါဝင်ပါသည်။
ပြုတ်ပြီးချက်တဲ့အခါမျိုးတွေသုံးပါတယ်။

減塩しょうゆ・うす塩しょうゆ -
သွေးတိုး၊နှလုံးနှင့်ကျောက်ကပ်ရောဂါရှိသူတွေစားသုံးနိုင်ဖို့ရည်ရွယ်ထုတ်လုပ်တာပါ။
ဒါကတော့ဆားပါဝင်မှု၉ရာခိုင်နှုန်းပဲရှိပြီးပုံမှန်ငံပြာရည်တွေထက် တ၀က်လျော့နည်းပါတယ်။ ငံပြာရည်
အပေါ့ဆိုလျှင် ဆားပါဝင်မှု၁၃ရာခိုင်နှုန်းရှိတာမို့ ပုံမှန်ငံပြာရည်ရဲ့၈၀ရာခိုင်နှုန်းအငံဓါတ်ရှိတယ်လို့
ဆိုပါတယ်။

昆布しょうゆ　ကွန်းဘုရှောယု ဒါကတော့အိမ်မှာအသုံးများပါတယ်။ ကွန်းဘုလို့ဆိုတဲ့ရေညှိရွက်မှအချိုနှင့်
ငံပြာရည်ကိုပေါင်းစပ်ထားတာမို့ အချိုအငံအရသာ၂မျိုးလုံးပါဝင်ပါတယ်။

刺身しょうゆဆာရှိမိရှောယု ဒါကတော့ ဆာရှိမိစားရင် တို့စားတာပါ။
だししょうゆ ဒရှိရှောယု ဒါကလည်း ဒရှိလို့ခေါ်တဲ့အချိုနဲ့အငံအရသာပေါင်းစပ်ထားတာပါ


မိရင်း MiRin みりん



မိရင်းဆိုတာ ဂျပန်ဟင်းလျာချက်ပြုတ်ရာမှာအသုံးပြုတဲ့ကုန်ကြမ်းတွေထဲ သကြားဓါတ် ၄၀ မှ ၅၀ ရာခိုင်နှုန်း နှင့် အယ်လ်ကိုဟော၁၄ရာခိုင်နှုန်းခန့် ပေါင်းစပ်ပါဝင်တယ်လို့ဖော်ပြထားပါတယ်။
အရသာကအချိုဓါတ်ဖြစ်ပြီး အ၀ါရောင်အရည်ကြည်ကြည်ဖြစ်ပါတယ်။

အသုံးပြုတာကတော့
- ပြုတ်တဲ့ဟင်းလျာ 煮物
- (ဆန်သို့ဂျုံ)ခေါက်ဆွဲ၊အုဒွန်း(နန်းကြီးကဲ့သို့ခေါက်ဆွဲအလုံးကြီး၊မုန့်ဖတ်ကဲ့သို့သောဆိုးမန်း)
． (そうめん、そば、うどん、冷麦)စတာတွေနဲ့တွဲဖက်စားတဲ့အချိုရည်ပြုလုပ်ရာမှာ
. ငံပြာရည်-しょうゆ အချိုရည် -だしနှင့် မိရင်း-みりんကို ရောစပ်သုံးပါတယ်။

ခံစားမိသမျှနိုင်ငံရပ်ခြားဘ၀

တပြည်တနိုင်ငံကိုလာသူတိုင်း ရောက်စမှာ အနည်းနှင့်အများCulture Shockကိုခံစားရမယ်လို့
ထင်မိပါတယ်။ ကိုယ်လည်းဒီလိုပါပဲ။ အရင်ကတော့ Culture Shockဆိုတာ ၀တ်ပုံစားပုံ ကွာခြားမှုလောက်သာထင်ထားမိတဲ့ကိုယ်ပါ။
ဒီတကြိမ်ရောက်ပြန်တော့လည်းအစစအရာရာ သူဘေးနားမှာလိုတာတွေဖြည့်ပေးနေလည်း တော်တော်နဲ့အသားမကျနိုင်ဘူး။ ဘာအဆင်မပြေဘူးလည်းဆိုတော့လည်း ဒီလောက်ခက်ခဲတာ
ရယ်လို့မရှိ။

ဒါပေမဲ့ ဒီရက်ပိုင်းတွေမပျော်ဘူး။ အိမ်ကိုလွမ်းမိတယ် အကြိမ်ကြိမ်။ တခါတလေ ငိုမိတယ်။
သူကပြောတယ် ပြန်လည်ဖို့။ ပြန်လည်ဖို့လောက်ခံစားရသလားဆိုလည်း မဟုတ်ပြန်ဘူး။
အဲလိုနဲ့အပျင်းပြေဆောင်းပါးလေးတွေလှန်လှောကြည့်တော့ သွားတွေ့တယ်။

နောက်တော့ကိုယ်သိသွားတယ်။ Culture Shock နည်းနည်းဖြစ်နေတာ။ ပတ်ဝန်းကျင်က ဂျပန်တွေချည်းမို့
ဗမာစကားသိပ်မပြောဖြစ်ဘူး။ နေ့တိုင်းမပြောမဖြစ်ဂျပန်လိုပြောနေရတယ်။ အထီးကျန်ပြီးအားငယ်နေရော
တခါတလေ အကြောင်းမရှိငိုချင်နေတယ်။ လမ်းသွားရင် ရထားပေါ်မှာအလိုလိုစိတ်တိုနေတယ်။
ဒီမိန်းမမျက်နှာကြောတင်းလိုက်တာ မြင်ရတာ မဆီမဆိုင်စိတ်တိုမိတယ်။
ဗမာအစားစာသိပ်မစားဖြစ်တာလည်း ရောက်ခါစကတည်းကပဲ။

အဲလိုနဲ့ ကိုယ့်ကိုယ်ကိုဘာဖြစ်လဲသိအောင် ကျန်းမာစိတ်ပျော်ရွှင်အောင်နေနိုင်ကြဖို့ ဒီဆောင်းပါးလေးညွှန်းလိုက်ပါရစေ။
အားလုံးအတွက်သိစေချင်လို့ဝေမျှပေးလိုက်ပါတယ်။
နိုင်ငံရပ်ခြားမှာရှိသူတိုင်းဖတ်သင့်တယ်လို့လည်းထင်ပါတယ်။

Something About Culture Shock
ံHow to cope with Culture Shock?
အားလုံးပဲကျန်းမာပျော်ရွှင်ပါစေ

ကိတ်ပူပူလေး

ပြီးခဲ့တဲ့အပတ်ကအံသွားတချောင်း၊ ဒီအပတ်တချောင်းနှုတ်ပါတယ်။
ဒီအပတ်ကကံဆိုးစွာပဲ၎နာရီခန့်ကြာခက်ခက်ခဲခဲနှုတ်ရပြီး ယောင်ကိုင်းလို့နေပါတယ်။
အဲလိုဖြင့်အိမ်မှာရှိတုံးညှော်လဲမမိအောင်သူ့အတွက်ကြက်ခြေထောက်နဲ့မှိုပေါင်းပြီး
ကိုယ့်အတွက်ကတော့ကိတ်မုန့်ကလေးလုပ်စားပါတယ်။ ဒါပါနဲ့ဆို၃ကြိမ်မြောက်ပေါ့။
လွယ်လဲလွယ်။ ကောင်းလဲကောင်း။ ဈေးလဲမကြီးတာမို့ဖော်ပြပေးလိုက်ပါတယ်။

ဒီအထုပ်လေးပါ။ ဂျုံမှုန့်လိုပါပဲ ကိတ်မုန့်လုပ်ဖို့ ၃ထုပ်ပါဝင်ပါတယ်။
၁ထုပ်ကို မုန့်၂ခုလောက်လုပ်လို့ရပါတယ်။
နောက်မှာလည်းမုန့်လုပ်နည်းအမျိုးမျိုးရေးထားပါတယ်။

ပါဝင်ပစ္စည်းများ
ဒါပေမဲ့ကိုယ်ကနူးညံ့တာကြိုက်သူမို့ထောပတ်ကိုရေနွေးနည်းနည်းနဲ့ဖျော်ပြီးရောထည့်ပါတယ်။
အခြားကတော့ တထုပ်ကိုသကြား၂ဇွန်းခန့်နှင့်ဆားအနည်းငယ် (အချိုကိုမိမိအကြိုက်ချိန်ဆထည့်ပါ)
ပြီးတော့ကြက်ဥတလုံး၊နို့အနည်းငယ်။

စလုပ်ပါပြီ
အရင်ဆုံးနို့နဲ့ကိတ်မှုန့်ကိုသမအောင်မွှေပြီး ခလောက်ထားတဲ့ကြက်ဥထည့်မွှေပါတယ်။
ပြီးတော့ရေနွေးထဲသကြားနဲ့ထောပတ်(ဇွန်းကြီး၂ဇွန်းခန့်)ထည့်မွှေပြီး
အားလုံးရောမွှေပါတယ်။

ြ့ပီးတော့ ဘယ်လိုခေါ်ပါလိမ့် အိုးမကပ်တတ်တဲ့ ဒယ်အိုးပြားပြားလေးတွေ
အဲဒီထဲဒီတိုင်းဟင်းချိုဇွန်းကြီးတဇွန်းခွဲစာခန့်ကိုဖြန့်ခင်းရင်းလောင်းချ၊ အနားလေးတွေညီအောင်ညှိ
မီအေးအေးနဲ့၃မိနစ်စီဖုတ်ပြီးတဖက်လှန်ပေးရင် ရပါပြီ။
ပြီးတော့ကော်ဖီပူလေးနဲ့ပေါ့။
ပိုတာတွေラップနဲ့ပတ်ပြီးရေခဲသေတ္တာထဲထည့်ပြီး တပတ်လုံးစားပါလေ့ပေါ့။
：D
ပုံမှာပါတဲ့အပေါ်ဆုံးကကိတ်က မီနီခရမ်းချဉ်သီးပါးပါးလှီးနဲ့ပူတီနံရွက်လေးတွေပါရောမွှေထည့်ထားပါတယ်။
အားလုံးပဲကျန်းမာပျော်ရွှင်ပါစေ