မြန်မာသံရုံး

ကျမရုံးအစည်းဝေးတခုအတွက် နိုင်ငံခြားရက်တိုခရီးထွက်ဖို့ဖြစ်လာတော့ပတ်စပို့ကို
ကြည့်မိတဲ့အခါ ၃လပိုင်းလောက်မှာ သက်တမ်းကုန်မှာမို့ သက်တမ်းမတိုးခင် မြန်မာ
သံရုံး ဂျပန် လို့ရိုက်ပြီးရှာကြည့်တော့ ဘာမှသိပ်မတွေ့ရပါဘူး။ ကျမအတွေ့ကြုံလေး
တွေ ဝေမျှလိုက်ပါတယ်။ ဂျပန်လူဝင်မှုကြီးကြပ်ရေးရုံးအကြောင်းပါရေးသားပါမယ်ရှင်။

(မသိသူများအတွက် ရည်ရွယ်ရေးသားပါသည်။)

မြန်မာသံရုံးသွားနည်း
JR Yamanote လိုင်းကိုစီးပြီး Shinagawa ဘူတာမှာဆင်းပါတယ်။
အလယ်မိန်းထွက်ပေါက် 中央口ကိုထွက်ပြီး၊ ဘယ်ဘက်ချိုးကာ လှေခါးကိုဆင်းပါမယ်။
လှေခါးအောက်ရောက်တဲ့အခါ ဘယ်ဘယ်ကမီးပွိုင့်ထိပ်ကနေကားလမ်းကူးပြီးတာနဲ့
ဘယ်ဘက်ကိုချိုးသွားပြီး ယင်းကတ္တရာလမ်းကြယ်ကြီးအတိုင်း တည့်တည့်လျှောက်ပါ
မယ်။ လမ်းက ညဘက်ကိုကွေ့ကွေ့ဝိုက်ဝိုက်ကလေးပါ။ ယင်းလမ်းကိုလျှောက်လာရင်း
မီးပွိုင့်တခုထိပ်မှာ ရဲကင်းကလေးတွေ့ပါမယ်။ တွေ့လျှင် ယင်းမီးပွိုင့်ရဲ့ ဘယ်ဘက်ကို
( ခုနကမိမိတောက်လျှောက်လာခဲ့တဲ့ လမ်းရဲ့ဘယ်ဘက်ကိုဆိုလိုတာပါ)လမ်းကူးလျှင်
လမ်းသွယ်လေးတခုထိပ်ရောက်မှာဖြစ်ပြီး၊ ယင်းလမ်းသွယ်အတိုင်းဝင်ပြီးတည့်တည့်
လျှောက်ခါလမ်းဆုံးလျှင် မြန်မာသံရုံးတံခါးကြီးဆီးတွေ့ရမှာဖြစ်ပါတယ်။

သံရုံးမှာ မြန်မာအချို့ရှိတဲ့နေ့ဆိုအဆင်ပြေပါတယ်။ များသောအားဖြင့်ဘာနိုင်ငံသားမှန်း
မသိတဲ့ မြန်မာနိုင်ငံသားမဟုတ်သူ ကုလားစင်အမျိုးသားတဦးရှိနေတာတွေ့ရပါတယ်။
ဂျပန်လိုပြောပါဆိုလို့ပြောကြည့်တော့လည်း ထမင်းစားရေသောက်ထက်မပိုတာမို့
ကျမလည်း  ဂျပန်စာကိုဂျပန်လိုပြန်ရှင်းရင်းချာလည်ရမ်းသွားပါတယ်။ ဆက်ဆံရေးအလွန်
ညံ့ပါတယ်။ မြန်မာပြည်သူတွေထမ်းတဲ့အခွန်ကရတဲ့လစာဖြင့် ထမင်းစားနေပြီး မြန်မာ
ပြည်သူတွေအပေါ် မောက်မောက်မာမာဆက်ဆံသော ယင်းနိုင်ငံခြားသားတံခါးမှူးအား
ကြည့်ကာ အလွန်အံ့သြရပါတယ်။

ရုံးချိန်
သံရုံးဟာ ၉နာရီမှညနေ၃နာရီထိပဲဖွင့်ပါတယ်။
လစဉ်ပထမပတ်တနင်္ဂနွေမှာ ၉နာရီမှ ၁၃နာရီထိ ဖွင့်လေ့ရှိပါတယ်။ ပိတ်ရက်တွေကို
သံရုံးဝက်ဆိုဒ်မှာသွားကြည့်တာအကောင်းဆုံးပါ။

လျှောက်လွှာ
ဖြစ်နိုင်ရင်သံရုံးဝက်ဆိုဒ်ဒီနေရာကနေ လျှောက်မဲ့အကြောင်းရာကိုရွေးချယ်ကာ ယင်းအ
တွက် လျှောက်လွှာတွေ ပရင့်ထုတ်ပြီး ဖြည့်ပြီး သွားတင်တာ အမြန်ဆုံးဖြစ်ပါလိမ့်မယ်။
အိမ်မှာပရင်တာမရှိလျှင် ကွန်ဗီနီစတိုးတွေမှာပရင့်ထုတ်လို့ရတဲ့စနစ်နဲ့ထုတ်နိုင်ပါတယ်။
အဲလိုမှမဟုတ်ရင် လူ၂ဦးသာရှိပြီး၊ တဦးကသာ တက်လိုက်ဆင်းလိုက် ဖောင်လက်ခံ၊မေး
မြန်းချက်ဖြေကြားစတာတွေလုပ်တာမို့ တဦးတဦးအတော်ကြာပါတယ်။ စကားတခါပြော
ခွင့် မေးခွင့်ရဖို့တောင် အတော်စောင့်ရပါတယ်။

ငွေသွင်းခြင်း
အခွန်ငွေလက်ကျန်တွေကတော့ တိုက်ရိုက်ဆောင်လို့ရတာတွေများတာမို့အဆင်ပြေပါ
တယ်။ ဘဏ်မှာငွေသွင်းရတာမျိုးရှိသူတွေအတွက် ငွေလွှဲနိုင်မယ့်ဘဏ်ကိုလမ်းညွှန်လိုပါ
တယ်။ မြန်မာသံရုံးကို ရိုးရိုး ATMကဲ့သို့လူမရှိသော ငွေထုတ်စက်တွေကနေငွေလွှဲလို့
မရပါဘူး။ ကျမအတွေ့ကြုံပြောရလျှင် ကျမလွှဲတဲ့အခါမရတော့ ဖုံးဆက်မေးမြန်းကြည့်
တဲ့အခါ သံရုံးမှ ဘဏ်မှတိုက်ရိုက်လွှဲသောစနစ်သာ စာရင်းဖွင့်ထားပြီး၊ ATMစက်တွေ
ကနေငွေလွှဲလက်ခံစနစ်ကို စာရင်းမဖွင့်ထားကြောင်းပါ။ သည်လောက်လွယ်ကူအဆင်
ပြေတဲ့စနစ်ကိုဘာကြောင့်မသုံးတာလဲလို့ အားမလိုအားမရဖြစ်မိပါတယ်။ ဆိုရလျှင်
ယင်းဘူတာ Center Exitကိုထွက်ပြီး ညာဘက်ချိုးကာ တီဗွီတွေတန်းစီချိတ်ထားတဲ့
လမ်းကိုလျှောက်၊ အဆုံးမှာ အောက်ဆင်းတဲ့လှေခါးထိပ်ရောက်ပါမယ်။ မဆင်းပါဘူး။
အဲသည့်အပေါ်စင်္ကြ့အတိုင်းညာဘက်ချိုးကာအဆောက်ဦးကြီးမျက်နှာစာလမ်းအတိုင်း
လျှောက်သွားလျှင် ညာဘက်မှာ SMBCဘဏ်ရုံးခွဲရှိပြီး စနေနေ့ထိ ဖွင့်ပါတယ်။

နိုင်ငံခြားသားနှင့်လက်ထပ်ထားသူများ
 ကျမကတော့ နိုင်ငံခြားသားနှင့်လက်ထပ်ထားသူမို့ မျှဝေရလျှင်
၂၀၁၂ ဇန်န၀ါရီနောက်ပိုင်းမှာလက်ထပ်သူဖြစ်လျှင် အခွန်ဆောင်စရာမလိုတော့ပါဘူး။
ယင်းရှေ့မှာလက်ထပ်ထားလျှင်၂၀၁၂ဇန်န၀ါရီအထိအကျုံးဝင်တဲ့ ၁၈လစာအခွန်၊တလ
တသောင်းနှုန်းဖြင့်၁၈လစာဆောင်ရပါတယ်။ ယင်းနောက် အိမ်ထောင်ကွဲကာတိုင်းပြည်
ပြန်ခြင်း၊ အပြီးပြန်ခြင်း၊ ဂျပန်နိုင်ငံသားခံယူခြင်းတွေလုပ်လျှင် ပြန်အမ်းမည်ဟုဆိုသော
လေယာဉ်စရိတ် ယမ်း၁၂သောင်းခွဲဘဏ်သို့သွင်းပေးရပါတယ်။ ဒါကြောင့်အပြန်လေ
ယာဉ်စရိတ်သွင်းစရာမရှိသူများ နိုင်ငံခြားသားနှင့်မင်္ဂလာဆောင်လိုလျှင်အောင့်ထားကြ
ပါ။ ငွေအရင်စုပြီးမှဆောင်သင့်ပါတယ်။ စလာကတည်းကမှီခိုသူဗီဇာနှင့်လာသူဖြစ်လည်း
အခွန်ဆောင်ရတာပဲလား၊ဘာကြောင့်လဲလို့ မေးကြည့်တော့ ဆောင်ရပါတယ်။ ဘာ
ကြောင့်လဲဆိုတာတော့ မပြောတတ်ပါဘူး၊ အထက်ကဒီလိုနည်းဥပေဒေထုတ်ထားလို့ဒီ
အတိုင်းလုပ်ပါတယ်တဲ့။ အိမ်ကယောကျာင်္းကိုတော့နားလည်အောင်မနည်းရှင်းပြရပါ
တယ်။ အဲလိုဥပဒေမျိုး တခါမှမကြားဖူးဘူးလို့ဆိုပါတယ်။ ဟုတ်ကဲ့၊မြန်မာနိုင်ငံမှာတော့
ရှိပါတယ်လို့ရှင်းပြရပါတယ်။ ခုတော့ နောက်လူတွေအတွက်အခွန်မရှိတော့လို့ ကျေးဇူး
တင်ရပါတယ်။ ကျမကတော့မလွတ်တာမို့ အားလုံးဆောင်ရပါတယ်။

တင်ရသောစာရွက်စာတမ်းတွေကတော့
၁။ပတ်စ်ပို့မူရင်း၊ ၂။ဓါတ်ပုံကပ်ထားသောကိုယ်ရေးရာဇ၀င်၊ ၃။လေယာဉ်စရိတ်၁၂သောင်း
ခွဲဆောင်ထားသော ဖြတ်ပိုင်း ၄။၁လတသောင်းနှုန်းဖြင့် အခွန်ငွေ၁၈သောင်း (၂ရစ်၊၃ရစ်
ခွဲဆောင်လို့ရတယ်လို့လည်းဆိုပါတယ်။) ၅။အိမ်ထောင်ဘက်နိုင်ငံခြားသားနှင့်တွဲရိုက်
ထားသည့်ဓါတ်ပုံ၎ပုံ(၃ပုံက ပြန်ပေးပါသည်။ ကျမကိုပေးဖို့မေ့နေလို့ကျမကပြန်တောင်း
ခဲ့ပါသည်။) မင်္ဂလာဆောင်ပုံမဟုတ်လျှင်မရဘူးလို့သံရုံးဝန်ထမ်းညီမငယ်တဦးကပြောတာ
မို့၊ ညီမရေ မင်္ဂလာမဆောင်ပဲလက်ထပ်လျှင် ဘယ်လိုလုပ်မလဲ၊ လို့ဆိုတော့ မရဘူးထင်
တာပဲ၊အထက်ကိုမေးကြည့်မယ် လို့ပြောပြီး အဆုံးမှာရပါတယ်ရှင်။
၆။ဂျပန်လို Kosekitoohon 戸籍謄本လို့ခေါ်တဲ့ အိမ်ထောင်စုစာရင်းမူရင်းတရွက်
ဖြစ်ပါတယ်။

အဲသည့်မှာလည်း မနည်းရှင်းရပါသေးတယ်။
ကျမက Kosekitoohon 戸籍謄本လို့ခေါ်တဲ့ အိမ်ထောင်စုစာရင်းကိုတင်တော့၊ လက်
ထပ်ထားကြောင်းထောက်ခံစာ Marriage Registration Certificate ဘယ်မှာလည်း လို့
မေးပါတယ်။ မပါဘူးဆိုတော့ ဒါဆိုမရဘူးတဲ့။ အဲတော့ကျမလည်းရှင်းပြရပါတယ်။ နား
မထောင်ချင်လည်းအတင်းရှင်းပါတယ်။ ကျမအတင်းရှင်းတာကိုမဆုံးတဆုံးနားထောင်
အပြီးမှာ ညီမလေး ဂျပန်ရုံးတွေမှာဘာကဘယ်လိုရှိရှိ မြန်မာသံရုံးကဒါလိုတယ်ဆိုရင်
ဒါမပါရင်မရဘူးလို့ဆိုပါတယ်။ အထက်ကိုမေးကြည့်မယ်ဆိုပါတယ်။ ကျမလည်းအထက်
ကိုရှင်းဖို့အားမွေးလည်ချောင်းရှင်းနေတုံးအခိုက်မှာ မရှင်းလိုက်ရဘဲ အဆင်ပြေသွားပါ
တယ်။ ဗဟုသုတအနေဖြင့်ဖတ်ရအောင်အောက်ကလင့်ခ်တွေမှာ ဂျပန်လိုတွေသွားဖတ်
နိုင်ပါတယ်ရှင်။
Kosekitoohon 戸籍謄本လို့ခေါ်တဲ့ အိမ်ထောင်စုစာရင်း
ဂျပန်ကအိမ်ထောင်စုစာရင်းဆိုတာ မြန်မာပြည်လိုမိသားစုနာမည်တွေနဲ့လိပ်စာရေးထား
ရုံမဟုတ်ပါဘူး။ တကယ့်ကို confidentialစာရွက်ပါ။ တကယ်တော့ဂျပန်လူမျိုးတွေမှာ
ကျမတို့ဗမာတွေလို ID card နိုင်ငံသားစိစစ်ရေးကဒ်လိုမျိုးမရှိပါဘူး။ လူတဦးရဲ့ကိုယ်ပိုင်
အချက်လက်ကိုထိန်းချုပ်သလိုဖြစ်တာမို့မထားတာပါ။ဒါကြောင့်ကာယကံရှင်ဖြစ်ကြောင်း
ကျန်းမာရေးအာမခံကဒ် သို့ ယာဉ်မောင်းလိုင်စင် သို့ ပတ်စ်ပို့ဖြင့် စစ်လေ့ရှိပါတယ်။
ကျန်းမာရေးအာမခံကဒ်ဟာ သူတို့အတွက် ID card လိုပဲ ဖြစ်ပါတယ်။ သည့်ထက်ပိုပြီး
မိသားစုဝင်အမည်များ၊ အချက်လက်များ၊ အိမ်ထောင်ပြုသည့်၊ကွာရှင်းသည့်၊ခလေးမွေး
နေ့ရက်များ၊ မူရင်းနေရပ်များစသောအဓိကအချက်လက်များ အားလုံးရေးသားထားတာ
ကတော့Kosekitoohon 戸籍謄本ဖြစ်ပါတယ်။ သည့်အတွက်ယင်းစာရွက်ကိုထုတ်ရာ
မှာ ကာယကံရှင်သို့ ကာယကံရှင်ကကိုယ်စားလှယ်လွှဲစာမှာလက်မှတ်ထိုးသောစာရွက်
ပါသူမှလွဲပြီး မည်သူမျှထုတ်လို့မရပါဘူး။ဒါကြောင့်ဂျပန်နှင့်အိမ်ထောင်ပြုသူများအတွက်
ကတော့ Kosekitoohon 戸籍謄本ဆိုတာ လက်ထပ်ထားကြောင်းသက်သေခံအဖြစ်
စာရွက်လည်းသုံးပါတယ်။ အထက်ကပြောခဲ့သလိုလက်ထပ်ထားတဲ့နေ့ရက်တွေအကုန်
recordလုပ်ထားတာပါ။ လျှောက်ပြီး ၂ရက်ခန့်အနည်းလေးကြာတတ်ပါတယ်။
သည့်အတွက် Kosekitoohon 戸籍謄本ထုတ်ရဖို့မအားလပ်လျှင်၊ ဇာတိမပြန်နိုင်လျှင်
လက်ထပ်ထားကြောင်းတခုသာ သက်သေခံပေးသော စာတိုက်စနစ်ဖြင့်လျှောက်ထား
နိုင်ပြီး၊ စာတိုက်မှပို့ပေးသော Marriage Registration Certificate （結婚受理証明
書）ကို အလွယ်တကူအစားထိုးသုံးပါတယ်။ ယင်းကတော့လျှောက်လျှင် ရုံးအများစုက
ချက်ချင်းထုတ်ပေးလေ့ရှိပါတယ်။ သို့ငြား မိမိကစာရင်းသွင်းခဲ့တဲ့ဒေသကရုံးမှာပဲ
လျှောက်ထားလို့ရပါတယ်။

Marriage Registration Certificate （結婚受理証明書）
မြန်မာနိုင်ငံသားအချင်းချင်းလက်ထပ်ထားသူတွေအတွက်တော့ ယင်းKosekitoohon
戸籍謄本ဆိုတာမရှိပါဘူး။ ဒါကြောင့်နိုင်ငံခြားသားတွေလက်ထပ်လျှင်၊ခလေးမွေးလျှင်
ရပ်ကွက်ရုံးစာရင်းသွားသွင်းအကြောင်းကြားရပြီး၊လက်ထပ်ထားကြောင်းထောက်ခံစာကို
Marriage Registration Certificate(結婚受理証明書)ကို လျှောက်ထားရရှိပါတယ်။

အလည်ပြန်တဲ့အခါ ဂျပန်ပြည်ပြန်ဝင်ခွင့် လျှောက်ခြင်း
ဂျပန်ပြည်မှခေတ္တထွက်ခွာပြီး ပြန်လာမှာဖြစ်လျှင် 再入国လို့ခေါ်တဲ့ Re-entry　Visa
လျှောက်ထားရပါတယ်။ ယင်းကိုမလျှောက်ပဲထွက်သွားလျှင် ဗီဇာသက်တမ်းမည်မျှကျန်
ရှိစေကာမူ ပျက်ပြယ်ကာ ဗီဇာအသစ်ထပ်မံလျှောက်ရပါတယ်။
Re-entry　Visaကတော့ ၂မျိုးလျှောက်နိုင်ပြီး
၁။တကြိမ်ထွက်ပြီးပြန်ဝင်သည့် Single Re-entry　Visa, ￥3000
၂။အကြိမ်ကြိမ်ဝင်ထွက်နိုင်သည့် Multiple Re-entry　Visa, ￥6000
ဖြစ်ပါတယ်။
လျှောက်လွှာပုံစံဒီမှာရပါတယ်။ PDF Form
Excel ဆိုလျှင်တော့ ဒီနေရာကနေ ဒေါင်းလုတ်လုပ်ပါ။

၁၅မိနစ်ဖြင့်ရသည့်နည်းကိုပြောပြပါမယ။်
လျှောက်လွှာကိုပရင့်ထုတ်ဖြည့်ပြီးယူသွားပါ။
Immigration ရုံးရောက်တာနှင့် အောက်က ကွန်ဗီနီစတိုးမှာ Re-entry ဖောင်မှာကပ်
ရတဲ့ အထက်ကပြောတဲ့ ၂မျိုးမှ မိမိလျှောက်မည့်အမျိုးအစားအတွက် တံဆိပ်ခေါင်း
၃ထောင်တန် သို့ ၆ထောင်တန်ဝယ်ကာ ကပ်ပြီး၊ ဖောင်ရေးနည်းကိုလည်း ယင်းကွန်ဗီ
နီစားပွဲလေးမှာနမူနာရေးပြထားပါတယ်။
ပြီးလျှင်အပေါ်တက် နံပါတ်ယူကာ လျှောက်လိုက်လျှင် မိနစ်ပိုင်းအတွင်းရပါတယ်။

ရယ်မောစရာနှင့်အတွေ့ကြုံလေးတွေကတော့
မြန်မာသံရုံးမှာဝန်ထမ်း၂ဦး၃ဦးခန့်ရှိပြီး လာလျှောက်သူတွေက ၁၀ဦးဝန်းကျင်တွေ့ရပါ
တယ်။ အန်ကယ်ကြီးတဦးတည်းက တက်လိုက်ဆင်းလိုက်လုပ်ပေးတာမို့ တဦးတဦး
အတော်ကြာပါတယ်။ ယင်းအန်ကယ်ကြီးက အတော်ရည်မွန်ကာသဘောကောင်းပါတယ်။
သေချာလည်းရှင်းပြပေးပါတယ်။
ဂျပန်လူဝင်မှုကြီးကြပ်ရေးRe-entryဌာနကတော့ ၀န်ထမ်း ၄ဦးခန့်ရှိပြီး၊ လာလျှောက်သူ
တွေ အယောက်၎၊၅ဆယ်ရှိပါတယ်။ နံပါတ်ယူကာကျမအကြံပေးသလိုလျှောက်လျှင်ချက်
ချင်းနီးပါးပြီးပါတယ်။
မြန်မာသံရုံးမှာမောင်ငယ်လေးတဦးက အမဘယ်လောက်ပေးရလဲလို့မေးတော့ ရေးထား
တဲ့အတိုင်းပဲလေ။ ကိုယ်ကအမှန်အကန်ဆိုဘာမှမလိုပါဘူးလို့ကျမကလည်း ပြန်ဖြေပါ
တယ်။
နောက်ညီမငယ်လေးတဦးက ကျောင်းပြီးပေမဲ့အလုပ်လျှောက်ဖို့အတွက် ၆လတန်သည်
ဂျပန်မှာဆက်နေခွင့်ရတာမို့၊ ပတ်စ်ပို့သက်တမ်းတိုးဖို့လာလျှောက်ရာမှာ အခွန်ဆောင်
ဖို့ပြောတာကြားရတာမို့ ကျမကကြားကမျက်လုံးပြူးနေပါတယ်။ အလုပ်လျှောက်ဖို့ပါဆို
မှ အခွန်ဆောင်ရသည်ဆိုပဲ။
ကျမကတော့ ဂျပန်နိုင်ငံသားခံယူပြီးမှပဲ မြန်မာပြည်အလည်ပြန်ဖို့စိတ်ကူးသည်။
:))))

Read more »

Posted in ဥပဒေရေးရာ 10 comments

ရထား၊ကားစသည့်သွားလာရေးအချိန်ဇယားရှာခြင်း

မြို့ကြီးတွေမှာနေသူများအတွက်တော့ရထားဟာအဓိကအကျဆုံး၊အသုံးအများဆုံး၊အဆင်
ပြေအလွယ်ကူအမြန်ဆန်ဆုံး လမ်းပမ်းဆက်သွယ်ရေးစနစ်တမျိုးဖြစ်ပါတယ်။ ရထားလိုင်း
တွေများသလို မြို့ပတ်ရထားယာမနိုတဲလိုင်းကလွဲလို့ အချိန်စာရင်းတွေဟာလည်း အသီး
သီးကွဲပြားတာမို့၊ဖုံးထဲမှာအမြဲရထားထွက်ချိန်ရောက်ချိန်ရှာတဲ့ဆော့ဖ်ဝဲလ်ကိုထည့်ထား
ရပါတယ်။

ဖုံးအင်တာနက်မသုံးသူတွေကတော့ရှာချင်လျှင် ကွန်ပျူတာမှလည်း ရှာဖွေကြည့်နိုင်တဲ့
ဆိုဒ်တွေရှိပါတယ်။

ဂျပန်လိုဘူတာနာမည်ရိုက်ပြီးရှာလျှင်
(ရထား၊ဘတ်စ်ကား၊ကျည်ဆန်ရထား၊ဖယ်ရီသဘောင်္တွေရှာနိုင်ပါတယ်။)

အင်္ဂလိပ်လိုဘူတာနာမည်ရိုက်ပြီးရှာလျှင်
<><><>အောက်ဖော်ပြပါတွေကိုရှာဖွေနိုင်ပါတယ်။

Route	Airplane Airport Shuttle Bus Bullet Train (SHINKANSEN) NOZOMI / MIZUHO / HAYABUSA (SHINKANSEN) Limited Express Express Liner Walk Sleeper Limited Express Sleeper Express Ordinary Train
Corp.	Japan Railway(JR) Private Railway

အားလုံးပဲအဆင်ပြေပျော်ရွှင်ပါစေရှင်

Read more »

Posted in ဂျပန်မှာ,သိသမျှကြုံသမျှ No comments

၂၀၁၁ခုနှစ် နှစ်ကူး

နှစ်ကူးချိန်တုံးကတော့နှစ်စဉ်သွားနေကျယောက္ခမအိမ်ကိုပြန်လည်ပါတယ်ရှင်။ ခုတလောပို့စ်တွေသိပ်မရေးနိုင်တော့ လာလည်သူတွေ မျှဝေခံစားရအောင် စားခဲ့တာလေးတွေနဲ့
ဧည့်ခံပါရစေရှင်။ ဂျပန်တွေဓလေ့ထုံးစံကတော့ နှစ်ကူးဆိုလျှင် မွေးရပ်မြေ ပြန်လေ့၊ခရီး
ထွက်ကြလေ့ရှိတာမို့ ရထား၊ကား၊ဘူတာ၊လေဆိပ်တွေ ကြိတ်ကြိတ်တိုးနေတဲ့အချိန်ပေါ့
ရှင်။ ဒီနှစ်တော့ မြေပုံညံ့တဲ့ကျမအတွက် သူက တနေ့လုံးရထားအ၀စီး၃ထောင်ခန့်ပေး
ရသောလက်မှတ်နဲ့ ပြန်ကြပါတယ်။ ခဏခဏရထားလိုင်းပြောင်းစီးရပြီး အနည်းငယ်ပင်ပန်း
ပေမဲ့ ကျမက ပိုပျော်ပါတယ်။ အထုပ်ပိုးတွေကိုလည်း သက်သက်ပို့ထားတော့ပေါ့ပေါ့ပါး
ပါးပါ။ ဒါပေမဲ့ သူ့ဇာတိကဝေးတော့ မနက်မှညထိ အချိန်ကွက်တိစီးနိုင်မှအိမ်ရောက်တာပါ။
ဖုံးရယ် ရထားလိုင်းကြည့်တဲ့ဆော့ဖ်ဝဲရယ်နဲ့ပူစရာမလိုအဆင်ပြေပါတယ်။ သို့ငြားလမ်းမှာ
ရထားက အက်စီးဒင့်နှင့်တနာရီခွဲကျော်ရပ်သွားတော့ကျမတို့နှစ်ဦးအချိန်မမီတော့တာမို့
လမ်းခုလတ်မှာ ကျည်ဆန်ရထားပြောင်းစီးရပါတယ်။

အဲလိုဖြင့် ကျမသိပ်ပျော်တဲ့ သိပ်သဘောကောင်းပြီး ကျမကိုအရိပ်လိုကြည့်ကာ သားကို
ချစ်ကာ ကျမကိုလည်းသမီးလိုချစ်ပေးတဲ့ ယောက္ခမအိမ်မှာ တပတ်ခန့်နေခဲ့ကြပါတယ်။

သူ့ဒေသက 瀬戸内海 လို့ခေါ်တဲ့ ပင်လယ်ကွေ့ထဲမှာ ရှိပါတယ်။ တောင်ပေါ်ကနေမြင်
ရတဲ့ရှုခင်းရယ်ပါ။

ဒါကတော့ယောက္ခက သားသမီးတိုးပွားအောင်နှစ်တိုင်းမပျက်မကွက်ကျွေးလေ့ရှိတဲ့
ဂျပန်အယူအဆ နှစ်ကူးမှာစားလေ့ရှိသော ငါးဥများရယ်ပါ။

ဒါကတော့သူ့ညီလက်ရာ ပြည်ကြီးငါးပါ။

ဒါကတော့အသားငါးအသီးရွက်ထည့်ကာ ငံပြာချဉ်ရေ နှင့်တို့စားတဲ့နဘဲရယ်ပါ။

ဝက်နံရိုးကင်

ယောက္မမကိုယ်တိုင်လုပ် အသီးရွက်

ဆူခီယာခီ။ ကြက်ဥအနှစ်နဲ့တို့စားလေ့ရှိပါတယ်။

တိုကျိုကအသားတွေမကောင်းဘူးလို့ညီးတတ်တဲ့သူ့သားအတွက်

ပဲအချိုပြုတ်

ဟင်းချို

Oysterခေါ် ခရကို ကြော်ကာပုံစံအမျိုးမျိုးနဲ့လုပ်စားပါတယ်။

အကြော်ပုံတော့ရှာမတွေ့ဘူးရှင်။

ကြက်သားကြော်

သူ့သူငယ်ချင်းယူလာပေးသောဝိုင်

ဝက်နံရိုးကင်

အိုဒန်းဘယ်လိုလုပ်ရလဲမေးတဲ့ကျမအတွက် အိမ်ချက်အိုဒန်းခေါ် ဂျပန်ရိုးရာအစားစာ

ဆာရှိမိ

ကျမလက်ရာကြက်ဟင်းခါးသီးသုပ်

နှစ်ကူးအိမ်မှာချိတ်တဲ့အဆောင်လေး

အားလုံးပဲကျန်းမာပျော်ရွှင်ပါစေရှင်

Read more »

Posted in အတိုအစလေးများ 6 comments

လတ်တလော

ခုတလော အလုပ်ဝင်ခါစကျမ ဂျပန်နှစ်ဦးရဲ့ထုံးစံအတိုင်း နှစ်ကုန်ပိုင်းမှာ ပိတ်ခဲ့သမျှ၊ ပျော်ခဲ့ကြသမျှ နှစ်ဦးမှာအလုပ်များတာမို့ ကျမလည်းအလုပ်ပိနေပါတယ်။ သည်ကြားထဲ ကုမ္ပ
ဏီက နိုင်ငံခြားခရီးတခုကို ရက်တိုသွားဖို့ဖြစ်လာတော့ ပတ်စ်ပို့ကိုကြည့်လိုက်တော့
သွားမဲ့ရက်နှင့်ရက်ခြားမှာပဲသက်တမ်းကုန်ဖို့ဖြစ်နေတော့မြန်မာသံရုံးသွားပြီး သက်တမ်း
တိုးရတာရယ်၊ သက်တမ်းတိုးပြန်တော့လည်း အခွန်ဆောင်ရတာတွေရယ်နှင့် ဒါ့အပြင်
အအေးလဲမိပြန်၊ ခရီးသွားတဲ့အခါရှင်းလင်းရေးအတွက်အင်္ဂလိပ်လိုစာရွက်စာတမ်းရေးသား
ပြင်ဆင်တာရယ်၊ ပိတ်ရက်ရောက်ပြန်တော့လည်း အ၀တ်လျှော်၊ သန့်ရှင်းရေး၊ ဟင်းချက်
ရမှ ပျော်တဲ့ကျမ ကြိုက်တာတွေချက်စားတာရယ၊် သူငယ်ချင်းတွေဆီအလှည့်ကျဖုံးဆက်
တာတွေရယ် အတော်ကိုမအားပါဘူး။ အလှည့်ကျဆိုတာကတော့ တဦးနှင့်စကားပြောရင်
နာရီဝက်၊ တနာရီအသာလေးသွားတာမို့ ဂနေ့တော့ ဘယ်သူဘယ်သူ ဘာကိစ္စရယ်ဆိုပြီး
အချိန်တွက်ပြောရတာရယ်ပါ။

ခုတလော ဂျပန်မှာ ငလျှင်သေးလေးတွေမကြာခဏလှုပ်ပါတယ်။ အကြီးလာနိုင်တယ်လို့
ရှေ့ပြေးနမိတ်ပြနေသလိုပါပဲ။ တီဗွီသတင်းတွေကြည့်တဲ့အခါ နောက်လေးနှစ်အတွင်း
တိုကျိုကိုဦးတည်ပြီး ငလျှင်ကြီးဖြစ်ပွားနိုင်တယ်ဆိုတာ ၇၀ရာခိုင်နှုန်းဖြစ်နိုင်ချေရှိကြောင်း
ခန့်မှန်းရတယ်လို့ဆိုပါတယ်။ ဂျပန်မှာပဲ အသားကျလာသလားပဲမသိပါဘူး။ အရင်ကဆို
ငလျှင်လှုပ်တိုင်း သူကအိမ်မှာရှိနေတဲ့နေ့မျိုးဆိုရင် ကျမက သူရှိရာစာဖတ်ခန်း (သို့)သူ့
အနားသွားပြီး ကုပ်ကုပ်လေး ကြုံ့နေတတ်ပေမဲ့ ခုဆို ဖာသိဖာသာ နေတတ်လာပါပြီ။

တခြားမြန်မာသူငယ်ချင်းချို့မေးကြမြန်းကြ စိတ်ပူပေးကြ၊ ပြန်မယ်ဆိုသူတွေလည်းရှိငြား
ကျမကတော့ သူရှိရာနေရာနားမှာနေဖို့ဆုံးဖြတ်ထားပါတယ်။ အမှန်တော့ဂျပန်ဟာပင်မ
ပြတ်ရွေ့ကြောကြီး၎ခုထပ်နေတဲ့ပေါ်မှာတည်ရှိတဲ့ကျွန်းနိုင်ငံမို့ အချိန်မရွေးကို ငလျှင်
လှုပ်နိုင်တဲ့ နိုင်ငံပါ။ တွေးကြောက်တတ်လျှင်တော့ ငလျှင်ဖြစ်တဲ့အခါကိုကြောက်တတ်
လျှင်တော့ ဂျပန်နိုင်ငံမှာနေထိုင်ဖို့မရွေးချယ်တာအကောင်းဆုံးပါ။ကျမအတွက်ကတော့
သူနှင့်လက်ထပ်ထားတော့ တခုခုဖြစ်မှ ကျမတယောက်တည်း ကိုယ်လွတ်ရုန်းပြီး ပြန်
ပြေးတာတို့ ရှောင်တာမျိုးတို့လုပ်ဖို့စိတ်ကူးမရှိပါဘူး။ သူ့မိဘမောင်နှမတွေရှိရာအရပ်
ကို သူကလည်းဘေးကြုံချိန်မှာ မျက်နှာလွှဲထားပစ်နိုင်မှာမဟုတ်တာသိနေတာရယ်၊ သူ
တဦးတည်းသေသွားရင် ကျမကတသက်လုံး ၀မ်းနည်းကျန်ရစ်ရမှာ၊ ကိုယ့်ကိုယ်ကိုယ်
အပြစ်တင်ပြီး အသက်ရှင်နေရမှာထက်စာရင် သေမယ်ဆိုလည်း အတူသေဖို့ပဲ စိတ်ထဲ
ပြင်ဆင်ထားပါတယ်။ ကျမ ရွေးထားတဲ့လမ်း၊ ကျမချစ်ရတဲ့သူပေကိုး။ နောက်တခုက
သေဖို့ကံပါလာသူဟာ ဘယ်နေရာမှာရှိရှိ အကြောင်းကဖန်လာတတ်တယ်လို့ ယုံကြည်
တာလည်းပါပါမယ်။ အသက်ကိုဥာဏ်စောင့်တယ်ဆိုတာလို ဥာဏ်နှင့်သုံးသပ်ဆင်ခြင်
ပြီး လုပ်နိုင်တာတော့အကောင်းဆုံးပေါ့ရှင်။

အမြဲလာလာလည် သတင်းမေးပေးတတ်ကြတဲ့ ဘလော့မိတ်ဆွေမောင်နှမတွေအားလုံး
ကိုကျေးဇူးတင်ပါတယ်ရှင်။

အားလုံးပဲကျန်းမာပျော်ရွှင်ပါစေလို့

Read more »

Posted in အတိုအစလေးများ 6 comments