သူနှင့်ကျမ

ရေးမယ်လို့စိတ်ကူးရင်း မရေးပါဘူးလေလို့တွေးရင်း ဒီညတော့ရေးဖြစ်မိသွားပါတယ်။

သူကကျမကိုချစ်ခွင့်ဘယ်လိုပန်လဲလို့မေးလာရင် ဖြေရခက်မယ်ထင်ပါတယ်။ ဘယ်လို
နီးစပ်ကာ ဘယ်လိုချစ်သွားသလဲဆိုတာတောင် မသိလိုက်မိခဲ့ဖူးလို့ဖြေမိမယ်ထင်တယ်။
သူနှင့်ကျမကြားမှာ ချစ်တယ်ဆိုတယ်စကားဟာ လက်ထပ်ခွင့်မပန်ခင်အထိမရှိခဲ့ဘူး။

သူ့အတွက်ဗေဒင်အတူလိုက်မေးပေးပါကနေစလို့ အမေနေမကောင်းလို့လိုက်မေးပေး
ပါ။ နောက်တော့ ဘုရားမှာ ယတြာခြေတာသင်ပေးပါ။ အဲလိုဖြင့် ဘုရားမှာစကားပြော
ရင်း အပြန်ကော်ဖီအတူသောက်ရင်း၊ ကျမစိတ်ညစ်တဲ့အခါ သို့ သူကဖုံးဆက်ပြီးအဖော်
စပ်လာတဲ့အခါတွေမှာ ကော်ဖီဆိုင်မှာအတူထိုင်ရင်း စကားပြောလေ့ရှိခဲ့ပါတယ်။ မွန်း
ကျပ်မှုတွေ၊ စိတ်အချဉ်ပေါက်မှုတွေ ဘာမဆိုသူ့ကိုပြောနိုင်ခဲ့တာမို့ စိတ်သက်သာဖြေ
လျော့ရာ တိုင်ပင်ဖော်တဦးလို သူနဲ့ကျမ တဖြည်းဖြည်းနီးကပ်လာခဲ့တာထင်ပါတယ်။
သူက တခါတလေ အငြင်းသန်သန်၊ ကျမကလဲ ဘူးဆိုဖရုံမသီး၊ခေါင်းမာတာမို့နှစ်ဦးသား
ခဏခဏလဲ စကားများပါတယ်။ တခါတလေ အတော်အမြင်ကပ်ပါတယ်။ ကျမကစိတ်တို
လွယ်တာမို့ သူစတာအမြဲခံရလေ့ရှိပါတယ်။

သူကကျမမျက်နှာကိုအရိပ်လိုကြည့်နေချိန်မှာ ကျမကတော့ရည်းစားဟောင်းအကြောင်း
တွေးပြီး ဒေါကန်ရင်း အသဲကွဲရင်း တခါတလေ သူ့ကို ပေါက်ကွဲစွာရင်ဖွင့်တတ်ပါတယ်။
တ၀က်တပျက်နှင့်လုပ်တိုင်းမဖြစ်ခဲ့တဲ့ပညာရေးအကြောင်း၊ မြန်မာပြည်ရဲ့ဆွေနွယ်မျိုး
တော်တွေရဲ့လွှမ်းမိုးမှုတွေရှုပ်ထွေးတဲ့ကျမရဲ့အချစ်ရေးအကြောင်းတွေနဲ့ကျမကအမြဲလို
လိုစိတ်အလိုမကျဖြစ်နေချိန်မှာ လူချစ်လူခင်ပေါပြီး နောက်ပြောင်ပျော်ရွှင်နေတတ်တဲ့
ပြုံးရယ်လိုက်လျှင် ခလေးတဦးလို ပေါ့ပါးကြည်ရွှင်နေတဲ့သူ့ကိုကြည့်ရင် ကျမကတိတ်
တိတ်လေးအားကျတတ်ပါတယ်။ ကျမကအဲလိုဖြစ်ချင်သား။ ဒါပေမဲ့ ကျမရဲ့စရိုက်ဟာ
ဘယ်တော့မှအဲလိုမဖြစ်နိုင်သူဆိုတာလည်း သိနေရက်ဖြင့်ပေါ့။

သေချာတာတခုက အဲသည့်အချိန်မှာ ကျမဟာအချစ်ရေးကိုအလွန်အမင်းစိတ်ပျက်မုန်း
တီးနေခဲ့တယ်။ ဒါကိုသူရိပ်မိတယ်ထင်သလို ကျမကိုချစ်ခွင့်မပန်လာခဲ့ခြင်းဟာလည်း
ဒီအကြောင်းရင်းဖြစ်မယ်ထင်ပါတယ်။ ဒီလိုနဲ့ကျမတို့နှစ်ဦး မိတ်ဆွေရင်းတွေလို တဦးနှင့်
တဦး မုန့်အပြန်လှန်ကျွေးရင်း၊ စကားတွေပြောရင်း၊ ငြင်းရင်းခုန်ရင်း အတော်လေးနီးတဲ့
အကွာဝေးသို့ ရောက်ရှိလာခဲ့တာကို သတိထားမိတော့၊ သတိပြုမိချိန်မှာ မင်သက်မိခဲ့
ရတယ်။

မထင်မှတ်ပဲ တရက် ကျမပြောမိတယ်။ ခင်ကြမင်ကြ ဝေးကြတော့လည်းသွေးအေးသွား
တတ်ကြတာလူ့သဘာဝပဲလေ။ ရှင့်ကိုလည်း မတွေ့တာကြာရင်မေ့သွားမှာပဲလို့ ဘာ
ရယ်မဟုတ်ပြောမိတယ်။ အဲသည့်အချိန်မှာကျမနှလုံးသားဟာလည်း အတော်အေးစက်
နေခဲ့တာပါ။ အဲသည်လိုထုံပေပေအေးစက်စက်မျက်ဝန်းတွေကိုသူဖတ်ရလို့ထင်ပါတယ်။
တွေတွေကြီးကြည့်ပြီးနောက် ရုတ်တရက်ဒူးထောက်လို့ လက်ထပ်ခွင့်ပြုပါ။ တသက်လုံး
ပျော်ရွှင်ချမ်းမြေ့အောင်ထားပါ့မယ်တဲ့။ မင်သက်သွားတဲ့ကျမဟာ ဘာပြန်ပြောရမှန်း
မသိဘူး။ လက်ထပ်ခွင့်နှင့်အတူ မပျော်ရွှင်နေတဲ့ကျမကို ပျော်ရွှင်အောင်ထားပါ့မယ်
ဆိုတဲ့ကတိဟာ နှလုံးသားကိုအမြစ်ကကိုင်ဆွဲလှုပ်သလိုပါပဲ။ ခေါင်းထဲမှာဗလာဖြစ်သွား
တဲ့ကျမဟာ ဘာပြန်ဖြေရမှန်းမသိခဲ့ပါဘူး။ သူ့ရဲ့လက်ထပ်ခွင့်ပန်ခြင်းဟာ ရုတ်တရက်
ဆန်လွန်းလှတယ်။ စဉ်းစားပါမယ်ဆိုတာကလွဲလို့ဘာမှမတုံ့ပြန်နိုင်ခဲ့ဘူး။

သူမရှိတဲ့အချိန်တွေမှာ ကျမဟာ အထီးကျန်ညှိုးနွမ်းနေတတ်တယ်။ သတိပြုမိတဲ့အချိန်
မှာ သူ့ကိုကျမ အတော်တွယ်တာနေခဲ့ပြီထင်တယ်။ အဲသည့်အချိန်မှာ နက်နက်ရှိုင်းရှိုင်း
ခံစားရတာတခုကတော့ ကျမရဲ့စိတ်ကို သူ့လောက် အတွင်းထဲထိ ထိုးဖောက်သိမြင်ပြီး
နားလည်နိုင်စွမ်းရှိတဲ့သူ မကြုံဖူးတာပါပဲ။ သူ့စကားတွေနားထောင်တဲ့အခါ ကျမမမြင်ရ
တဲ့ကျမကို ပြန်နားလည်သိမြင်လာတတ်တယ်။ အဲလိုအခြင်းရာတွေကို ကျမသိပ်စိတ်လှုပ်
ရှားခဲ့မိတယ်။

သည်လိုနဲ့ပဲ ကျမကသူ့ကိုလက်ထပ်ဖို့ အဖြေပေးတဲ့အခါ တခွန်းတည်းသောကတိကို
တောင်းတဲ့အခါ သူကရယ်နေခဲ့တယ်။
မဖောက်ပြန်ရဘူး။ ဖောက်ပြန်တဲ့နေ့အကွဲပဲလို့။ ပိုချစ်တဲ့တယောက်တွေ့ရင်ချက်ချင်း
ပြော၊ ချက်ချင်းလမ်းခွဲပေးမယ်။ ဖောက်ပြန်ရင်ခွင့်မလွှတ်နိုင်ဘူးလို့။
အဲလိုနှင့် သူနှင့်ကျမ လက်ထပ်ဖြစ်ခဲ့ကြတယ်။

သူကကျမကိုဘယ်လောက်ချစ်လဲဆိုတာ ကျမသိပ်မသိခဲ့ပါဘူး။ သူကချစ်တယ်လို့သိပ်မ
ပြောတတ်လို့ပါ။ လက်ထပ်ပြီးနောက်နှစ်ဦးတည်းဘ၀စရတဲ့အခါ နှစ်ဖက်မိဘတွေနှင့်
အဝေးမှာနေရတာမို့ သူနှင့်ကျမဟာ အလုပ်၊ စာ၊ နှစ်ယောက်တကမ(ဘ)ဆိုတာလိုပဲ
သူ့ကိုပိုနားလည်လာရပါတယ်။

ကျမက အလေးပင်တခုခုသယ်ထားပြီး(ဥပမာ အိတ်) အတူအပြင်ထွက်တဲ့အခါ မောလာ
လို့ ကျမမျက်နှာနွမ်းလာလျှင် သူက ဖတ်ခနဲ ယူလွယ်ပေးတတ်ပါတယ်။ ဟင်းစာဈေးဝယ်
ထွက်တဲ့အခါနို့လိုလေးပင်တာတွေအကုန်သူသယ်တတ်ပြီး ပေါ့တာသယ်လာတဲ့ကျမက
နှုတ်ဆိတ်လာလျှင် သူကအိတ်အတင်းဆွဲယူတတ်ပါတယ်။ မိတ်ဆွေသူငယ်ချင်းတွေနှင့်
အတူစုဆုံကြတဲ့အခါ ကျမကိုကြည့်နေတတ်ပြီး အလိုက်မသိတတ်တဲ့ကျမက မလုပ်တဲ့
အလိုက်သိမှုတွေကို သူက သူငယ်ချင်းတွေကို အပြန်လှန်လုပ်ပေးတတ်ပါတယ်။ သူ့မိဘ
အိမ်ကို အလည်ပြန်တိုင်း ကျမမျက်နှာကိုအရိပ်လိုကြည့်နေတတ်ပြီး ကျမကကြိုက်တာ
မကြိုက်တာ အားလုံးကို သူကဘာသာပြန်သလို နောက်ပြီးပြောပေးနေတတ်တာမို့ သူ့
မိဘမောင်နှမတွေနှင့်ကျမရဲ့အသားကျရင်းနှီးမှုဟာလည်းမြန်ဆန်ပါတယ်။ သူ့ကိုချစ်သ
လို ကျမကိုလည်းထပ်တူချစ်ပေးတဲ့ မိသားစုကြားမှာသိပ်ကိုချမ်းမြေ့ပျော်ရွှင်ပါတယ်။

စိတ်ဆတ်တဲ့ကျမရဲ့အိမ်ထောင်ရေးကိုအမြဲစိတ်ပူတတ်တဲ့ အမေကတော့ သူ့ကိုသိပ်
ချစ်ပါတယ်။တခုခုစကားများတဲ့အခါ ကျမအလွန်မဟုတ်လားလို့အရင်မေးတတ်ပါတယ်။
ကျမကတော့ စိတ်တိုလာလျှင် မုန်းတယ်လို့ခပ်မာမာပြောတတ်ပြီး၊ ပြေသွားလျှင်
ချစ်တယ်လို့ မြန်မြန်ပြောင်းလဲသွားတတ်တုံးပါပဲ။

ဘ၀လမ်းခရီးတလျှောက်မှာ အနိမ့်အမြင့်အတက်အကျတွေ၊ လောကဓံတွေအများကြီး
ဖြတ်သန်းကြရဦးမှာပါပဲ။ သူ့လက်ကို ခပ်တင်းတင်း မြဲမြံစွာ ကျစ်ကျစ်ဆုပ်ရင်း ဆံတွေ
ဖြူ သွားတွေကျိုးတဲ့အထိ ဖေးမ လျှောက်လှမ်းသွားချင်ပါတယ်။ ကျမအပေါ်ချစ်မြတ်နိုး
ပေး၊ အလိုလိုက်ပေးတဲ့သူ့ကို ကျေးဇူးသိပ်တင်တာပဲ လို့ တိတ်တိတ်ကလေးကြိတ်ကြိတ်
တွေးရင်း၊ဆယ့်ခါတခါဖွင့်ပြောရင်း၊သူကဟိုဟာသည်ဟာပြောတဲ့အခါတိုင်း၊သိပ်မပြောပဲ
စိတ်ကူးပေါက်ရာ တယောက်တည်းထင်ရာစိုင်းတတ်တဲ့ကျမက နားငြီးတယ်လို့ ပြောရင်း
ရန်ဖြစ်ရင်း၊ စိတ်ဆိုးပြီး တဦးတည်းတံခါးပိတ်နေရင်း၊ ခဏကြာတာနဲ့ ဆောရီးနော်လို့
ပြောရင်းပြန်ခေါ်ရင်းပေါ့လေ။

နှစ်သစ်နှင့်အတူ အားလုံးပဲကျန်းမာပျော်ရွှင်ပါစေ

Posted in အတိုအစလေးများ 20 comments